百樂小館 (已結業)

年多前首次光顧餐廳後, 一直對其食物念念不忘, 趁着母親節就同屋企人慶祝食飯。餐廳設有很多卡位闊落可坐六至八人, 而且每枱間的空間都足夠, 適合家庭聚會。食物方面, 餐廳大部份食品調味適中唔咸, 絕對老少咸宜, 而且每樣都熱辣辣, 質素好高。沙茶牛肉炒河牛肉好嫩, 河粉加入蛋炒, 啖啖都沾有少辣嘅沙茶醬, 好惹味。碧綠川椒雞整碟小菜香口唔肥膩, 雞肉質嫩滑, 調味方面香而不辣。手打魚蛋煮津菜煲魚蛋同魚片都彈牙爽口, 津白清甜, 餐廳特意加入少少魚乾, 令湯底昇華, 絕對可以中和其他濃味菜式。