PHO 24 (已結業)

之前都有食過呢間餐廳既河粉,d湯好好味,今次帶埋屋企人去食飯,試左之前未叫過既野，而且有啲係之前冇既新菜式。我地總共9個人叫左好多野食,有大蜆湯粉﹑牛坑腩湯粉﹑馬拉盞雜菌﹑青檸炸雞﹑海中蝦湯粉再配小食椰菜雞絲沙律﹑木瓜沙律，當中我覺得最好食係海中蝦湯粉,,d蝦好新鮮,唔係雪藏蝦，再配埋海鮮湯底好鮮味。另外個馬拉盞炒雜菌雖然賣相普通,但係食落去d汁好味，撈飯會好正。其他野食都有水準,青檸炸雞咬落去唔會成口粉，炸得脆脆地，青檸汁味道適中，牛坑腩唔會好靱，最後叫埋個焦糖燉蛋做飯後甜品,個燉蛋唔係好大個，焦糖唔漏，所以食左咁多野都可以食得落，呢一餐真係好滿足，而且價錢唔算好貴!