影片
更多
2024-06-30
252 瀏覽
金巴利道一帶不嬲都多韓國餐廳，所以次次想食韓風料理就嚟呢度～今次都係行過見到都多人食，門面感覺簡潔是正，就坐低咗～人蔘雞湯 $168 聲稱無味精，同埋可能因為落咗栗子同紅棗，飲落的確只有淡淡蔘味同甜味；份量方面，同以前去韓國食一樣，都係用原隻春雞，煮得超腍，連雞骨都咬得爛，呢種雞望落細細份，但其實好飽，本身個湯又有糯米飯，一個人食夠㗎啦～原味石鍋拌飯 $108全素嚟講好好味，翠肉瓜、蘿蔔絲、芽菜等都幾足料，啲汁唔自鹹但有麻油香，紫米飯可以再乾身啲，但粒粒分明好有咬口，食落幾特別～餃子王$18 泡菜餃子王 $18 皮微厚煙韌，蒸出嚟熱辣辣，超飽滿，泡菜餃子仲有粉絲餡，不過我同呀妹都一致認為呢個原味最好食，肉味濃又有菜嘅清香，好滿足～甜米水vs 梨汁 各$18第一次試甜米水，係有米香但甜嘅，呀妹超鍾意；梨汁甜得嚟好清新，仲有梨蓉添～整體哌講幾有家嘅感覺，比起韓國食到嘅濃味少少，我自己會再食呀～唔明點解OpenRice 咁多負評🫣
金巴利道一帶不嬲都多韓國餐廳，所以次次想食韓風料理就嚟呢度～今次都係行過見到都多人食，門面感覺簡潔是正，就坐低咗～
人蔘雞湯 $168
聲稱無味精，同埋可能因為落咗栗子同紅棗，飲落的確只有淡淡蔘味同甜味；份量方面，同以前去韓國食一樣，都係用原隻春雞，煮得超腍，連雞骨都咬得爛，呢種雞望落細細份，但其實好飽，本身個湯又有糯米飯，一個人食夠㗎啦～
原味石鍋拌飯 $108全素嚟講好好味，翠肉瓜、蘿蔔絲、芽菜等都幾足料，啲汁唔自鹹但有麻油香，紫米飯可以再乾身啲，但粒粒分明好有咬口，食落幾特別～
餃子王$18 泡菜餃子王 $18
皮微厚煙韌，蒸出嚟熱辣辣，超飽滿，泡菜餃子仲有粉絲餡，不過我同呀妹都一致認為呢個原味最好食，肉味濃又有菜嘅清香，好滿足～
甜米水vs 梨汁 各$18
第一次試甜米水，係有米香但甜嘅，呀妹超鍾意；梨汁甜得嚟好清新，仲有梨蓉添～
整體哌講幾有家嘅感覺，比起韓國食到嘅濃味少少，我自己會再食呀～唔明點解OpenRice 咁多負評🫣
張貼
