肉餅哥小炒料理 (已結業)

最近見到好多朋友都去食大圍一間肉餅店，所以就約埋屋企人一齊去試下啦入到去其實有好多款唔同配搭既肉餅做主打，仲有唔少創意肉餅，例如龍蝦肉餅，花膠肉餅，除此之外都會有傳統肉餅！我地就叫左一個蝦膏蟹棒肉餅，佢可以選擇蒸／煎，我地揀左煎。一上餅已經聞到好香既味道！賣相都唔錯，而且一咬落去佢煎到外層好香脆，入面又唔會太硬，外脆內軟，而且有濃濃既蝦膏味　另外佢仲會配埋白飯同老火靚湯，湯好足料，而且無味精味！最後仲叫左個海皇雜菜煲　送飯一流！