朱敏記桑拿菜 (已搬遷) 新店位置

又到假期，今晚屋企人又去左朱敏記開餐，最鍾意呢到餸菜款式多又特別唔係間間餐館都食到，又成日有新款菜式推出好有新意好有噱頭！今晚我地叫左百花卷拼黃金餃子，餃子炸得好靚好香脆好味，餡料亦好豐富好味，排係邊邊既百花卷亦唔錯，魚肉，蛋，紫菜卷好炸完再切片，魚肉都好彈牙一d都唔腥，加埋紫菜一齊卷住黎炸，增加香脆口感都唔錯，味道亦唔差！ 椒鹽栗米，呢到既炸物真係唔差，食得出火喉夠，油亦夠晒滾先炸到d椒鹽栗米咁金黃香脆，炸得色澤又靚唔會黑晒，口感好之餘，餡料味道都唔錯，栗米粒同d魚肉一齊炸，甜甜地又彈牙又脆口好好味！ 蜆芥鯪魚球，炸得岩岩好，粒粒size差唔多，口感好爽口彈牙，點埋醬汁一齊食非常夾口味！