影片
更多
2021-04-17
2299 瀏覽
今日去炮台山揾探親戚之前食個飯先，以前經過都唔見有呢間餐廳，間舖好細，但好"是正"。係門口望個餐牌既食物唔貴，仲有湯飲，幾吸引就入去。見到香煎蓮藕餅豬扒飯有人氣推介既標示係隔離，就叫左呢個喇。午餐跟中湯先只係50蚊，真係好抵。๛ 香煎蓮藕餅豬扒飯蓮藕餅係切碎再加豬肉整餅，唔會切得太碎，每啖都有爽口既感覺，味道唔會太咸，好易入口。其實本身諗左好耐叫唔叫呢個，因為好怕豬扒靱到咬唔到 ，同埋佢啲肥筋，但呢個薄切豬扒肉質好淋易咬又唔鞋，配上甜豉油好好食，仲好快就比我食哂添!๛ 蟲草花百合無花果煲豬每日都有唔同既湯，而今日係蟲草花百合無花果煲豬，味道清甜而且仲湯渣好多。本身以為會好似茶記個啲得個咸味，或者勁重味精，飲兩淡就算，但佢真係無味精! 飲哂都唔會口乾，而且仲覺得唔夠喉，真係好好飲，好有屋企煲湯個種味道!想講呢間既食物款式都係一般既簡單飯餸，但要煮得好食真係要好用心，呢間絶對唔係hea煮! 堅持唔落味精，又煮到有住家飯既味道，真心欣賞。如果住附近，真心一定成為我飯堂!
見到香煎蓮藕餅豬扒飯有人氣推介既標示係隔離，就叫左呢個喇。午餐跟中湯先只係50蚊，真係好抵。
๛ 香煎蓮藕餅豬扒飯
蓮藕餅係切碎再加豬肉整餅，唔會切得太碎，每啖都有爽口既感覺，味道唔會太咸，好易入口。其實本身諗左好耐叫唔叫呢個，因為好怕豬扒靱到咬唔到 ，同埋佢啲肥筋，但呢個薄切豬扒肉質好淋易咬又唔鞋，配上甜豉油好好食，仲好快就比我食哂添!
๛ 蟲草花百合無花果煲豬
每日都有唔同既湯，而今日係蟲草花百合無花果煲豬，味道清甜而且仲湯渣好多。本身以為會好似茶記個啲得個咸味，或者勁重味精，飲兩淡就算，但佢真係無味精! 飲哂都唔會口乾，而且仲覺得唔夠喉，真係好好飲，好有屋企煲湯個種味道!
想講呢間既食物款式都係一般既簡單飯餸，但要煮得好食真係要好用心，呢間絶對唔係hea煮! 堅持唔落味精，又煮到有住家飯既味道，真心欣賞
。如果住附近，真心一定成為我飯堂!
張貼
