山東餃子館

營業中

休息中

經過依間小店見幾個姐姐有講有笑，好有人情味咁，原來係間餃子店，入到去坐低佢哋介紹話除咗手作餃子之外擔擔麵同埋雞絲粉皮都做得好好食，見肚餓就點晒啦姐姐好貼心問我擔擔麵要唔要辣，依排喉嚨唔舒服都係走辣好，上到嚟見到佢個擔擔麵好得意比較淺色嘅，裏面有好多酸菜，有啲肉粒芝麻醬味道都唔錯，因為加咗酸菜所以成個擔擔麵係酸酸地咁嘅，又幾好食雞絲粉皮雖然係小食，但係估唔到佢係大大碟咁樣呈現出嚟一，麻醬雞絲加上青瓜絲同埋清涼嘅粉皮非常之適合夏天食今次點左羊肉餃子，因為我自己本身好鍾意食羊肉呢個餃子真係有好香嘅羊肉味仲要好多汁另外再點左個比較特別嘅雙並：番薯葉肉餃，同埋馬蹄菜肉餃，番薯葉比想像中爽口，馬蹄菜肉加添左香甜，兩款都好好食。