華香雞 (已結業)

觀塘一向都多工廈 朋友係附近番工 黎開呢頭所以就約佢食個lunch 朋友帶我嚟食呢間食雞嘅 雖然環境唔係話好靚 但啲嘢食真係好似屋企煮咁 係冇味精 上菜速度亦算快***我哋叫咗個招牌華香雞 配煎黃飯煲 一上台個黃飯超大盤 中意飯焦嘅我成盤清哂😂我地仲加左$10蚊轉雞脾 非常嫩滑 至於個清湯牛筋腩配白飯 牛筋腩半肥半瘦 幾軟腍 當然唔少得要有一碟菜 佢地嘅濃雞汁白菜仔份量都唔算少 重點係食落唔會好油 好有煮家飯味道 如果你地想食家嘅味道 呢度真係好適合🤣