閨•家 (寶榮大廈) (已結業)

呢間黃店主打家的味道小菜，仲有營養靚湯。每份飯餐都送一碗無味精湯水。秘製咖喱魚柳飯 $49可選擇咖喱辣度。小辣辣度低但好香。椰汁比例高，入口香甜又幼滑。魚柳先沾滿麵包糠再炸，食落好香脆，魚肉質地仲好香滑。不愧係餐廳推薦。招牌豬扒飯 $49佢哋嘅煎豬扒好出名。兩大片豬扒大塊過手掌。調味簡單，但煎得夠香，肉質軟腍，又保持到肉汁。仲附送大量雪菜，加埋蔥同醬油一齊撈飯好惹味。香煎豬頸肉 $43落咗香茅去醃，食落特別有泰式風味。煎得有少少焦香，口感又有彈性。