閨•家 (寶榮大廈) (已結業)

閏家以家多左分店，呢間分店就位於北角。7點前，等既人唔多，一陣就入到去餐廳。一落完單，好快就送上兩碗湯，好有住家既感覺。今日係星期3 -海底椰栗子煲豬展，好甜 真材實料，真係有栗子同肉碎。咖喱牛腩飯：因為之前食過咖哩，係完全唔辣，所以今次叫左勁辣來試下。果然真係好辣，但對鐘意食辣既人，應該會鐘意。當然，唔食辣既人就叫返唔辣啦。牛腩好大舊，煮得淋。棒棒糖老鴨飯：因為係新推介，所以就叫左來試下，有好多件鴨肉同洋蔥 味道唔差。要提既係，份量真係冇手軟，好多肉。涼伴海蜇手撕雞：味道唔錯，海蜇爽口 好大碟。冷盤凍凍地食，食完咖哩降下火。