影片
更多
2015-12-07
746 瀏覽
呢個係我第一篇既食評，點解我會寫？可能係俾店主感動左掛. 其實我好少聽伊斯坦堡菜，因為黎黎去去都係去食日本野。咁岩今次朋友生日想試，就即管試下啦. 一出𨋢，就即刻見到間舖。細細的，但感覺好warm. 我去到只係得我兩個friends, 其他枱都無人. 傾左陣計，店主(我估應該係, 除非唔係)就問我地起得菜未啦. 第一道菜就係沙津，好多菜好好食. 第二樣就係雞飯啦!!! 隻雞用香草整，入面d飯有好重雞味同香草味.隻雞仲幾滑添.跟住個碟似小食，係薯仔同茄子.最特別係佢個sauce, 配上薄薄的薯仔，好正呀！ 之後就係紅椒同黃椒飯，連我唔食椒既朋友都食晒佢入面d飯呀. 因為飯入面好重黑椒味，所以椒味冇咁重.中場休息，店主俾左杯Apple tea, Turkish coffee & happy drink我地. Apple tea, ok 正常. Turkish coffee 我個朋友話唔錯.um...至於happy drink lea, 鐘意Fresh既人先會鐘意..之後就係沙嗲同炸魚，兩樣都好食.但係我更鐘意既係炸魚，因為炸完之後 條魚都仲係咁滑 去到呢到，其實已經好飽.但係
第二樣就係雞飯啦!!! 隻雞用香草整，入面d飯有好重雞味同香草味.隻雞仲幾滑添.跟住個碟似小食，係薯仔同茄子.最特別係佢個sauce, 配上薄薄的薯仔，好正呀！
之後就係紅椒同黃椒飯，連我唔食椒既朋友都食晒佢入面d飯呀. 因為飯入面好重黑椒味，所以椒味冇咁重.
中場休息，店主俾左杯Apple tea, Turkish coffee & happy drink我地. Apple tea, ok 正常. Turkish coffee 我個朋友話唔錯.um...至於happy drink lea, 鐘意Fresh既人先會鐘意..之後就係沙嗲同炸魚，兩樣都好食.但係我更鐘意既係炸魚，因為炸完之後 條魚都仲係咁滑
去到呢到，其實已經好飽.但係店主話仲有最後一道菜. 就係牛肉飯啦. 我d朋友話最好竟然係呢個!!!雖然真係好飽好飽，但佢地都食得哂，我唸呢道菜真係幾好食～最後最後，店主問我地有冇生日，跟住佢捧住呢碟野黎 原來係火龍果加雪糕，土耳其糖同埋d糕點. 我最鐘意食既係好似龍鬚糖既呢碟，完全係龍鬚糖既質感，但有少少杏仁味. 超好食!!!
埋單每人都只係2百，因為佢咁好客，所以我都俾左tips P.s. 一開始我講話其他枱無人，但因為枱面上放住餐具，所以我唸跟住係會有人黎. 之後同店主傾傾下計 先知原來有3枱人放飛機...有2枱都係4個人..其實咁樣真係好過份，因為呢間係私房菜，人地一早就因應人數而準備食材，d人臨時放飛機，浪費食物之餘，更浪費人地既心機同金錢. 希望其他人唔好咁hihi 啦，就算唔去，都早幾個鐘通知人啦
張貼
