宿宿醉 (已結業)

話說有次聽到呢間餐廳個名覺得好特別，仲以為間酒吧啦，點知原來係間越南餐廳，真係fake左！比個名吸引左我去試呢間越南餐廳，餐廳係商住大廈6樓，一入到去就好重越南味，播住越南歌，雖然唔識聽，不過覺得成嗰人好似去左越南咁。。牆上面有幅最後晚餐嘅wallpaper都幾搞笑下！！老闆即刻俾咗個Menu我睇，個Menu好得意架，好似個相架，見到有我最鍾意嘅撈檬呀！！就即刻嗌咗個香矛豬扒撈檬，再嗌左芒果軟殼蟹紙米卷，每次食親越南野都一定要嗌紙米卷，對紙米卷有一份情意結 等左一陣個香茅豬扒撈檬就嚟到喇，一嚟到就俾個碗吸引住，好靚呀個碗，搞到我影左勁來想先捨得食，碗香茅豬扒有好多塊豬扒，新鮮煎嘅豬扒好入味，好正呀！芒果軟殼蟹紙米卷都同樣出色，啱啱乍起嘅軟殼蟹夾埋芒果一齊食，又熱又凍好正呀！