影片
更多
2017-03-23
1880 瀏覽
早排見到港生活介紹呢個富士山 甜品， 覺得好有意境，一早Book Mark左。適奉美國朋友呢排反香港探親，約左佢係銅鑼灣食晚飯，順便一齊見識一下呢個如詩如畫既甜品。呢度無論外面定係裡面都掛滿好多油畫，近睇先發現原來好多幅都係產品圖黎，整得好似裝飾用既Poster。我地黎既時候未到九點，所以可以坐到有利位置 -- 吧台既正中間。呢個開放式煮房有少少似餅師既舞台，而我地坐既就係握手位。除左比較Signature 既甜品之外，其實仲有好多野飲，甜品食既。 呢張係傳單，我諗應該好有效，每個既賣相都好吸引人去試。我地決定一人揀一個都好難取捨，全部都好有睇頭，好難揀。不過最後我地揀左呢排大熱既Ｍount Fuji同埋朋友推介既Planet Earth。Mount Fuji $258 二人份富士山既部分係一早預備好，餅師會o係吧台前好認真咁砌呢一幅畫出黎，由草皮，食用植物，o支D櫻花同心心，富士山最後仲會噴煙架。叫左呢個甜品其實幾開心，因為全部客人都會好期待咁拎起相機。解究下呢個甜品，山頂係Yogurt，山腰係波子汽水味，山腳係蜜瓜味。個人覺得食落既口感有少少似實淨D既綿綿冰。味道方面，可能因為波子
適奉美國朋友呢排反香港探親，約左佢係銅鑼灣食晚飯，順便一齊見識一下呢個如詩如畫既甜品。
呢度無論外面定係裡面都掛滿好多油畫，近睇先發現原來好多幅都係產品圖黎，整得好似裝飾用既Poster。
我地黎既時候未到九點，所以可以坐到有利位置 -- 吧台既正中間。呢個開放式煮房有少少似餅師既舞台，而我地坐既就係握手位。
除左比較Signature 既甜品之外，其實仲有好多野飲，甜品食既。
呢張係傳單，我諗應該好有效，每個既賣相都好吸引人去試。我地決定一人揀一個都好難取捨，全部都好有睇頭，好難揀。
不過最後我地揀左呢排大熱既Ｍount Fuji同埋朋友推介既Planet Earth。Mount Fuji $258 二人份
富士山既部分係一早預備好，餅師會o係吧台前好認真咁砌呢一幅畫出黎，
由草皮，食用植物，o支D櫻花同心心，富士山最後仲會噴煙架。
叫左呢個甜品其實幾開心，因為全部客人都會好期待咁拎起相機。
解究下呢個甜品，山頂係Yogurt，山腰係波子汽水味，山腳係蜜瓜味。
個人覺得食落既口感有少少似實淨D既綿綿冰。
味道方面，可能因為波子汽水(即藍色部分)既Portion 比較大，味道都比較出；
富士山整體唔太甜，同埋草皮既蛋糕碎一齊食就岩岩好。
富士山其實整得好Detail，近睇都好似，加埋一對情侶公仔既襯托，我好鍾意影左好多相。
之後就到Planet Earth $128。呢個係朋友極力推介既甜品，佢話好睇又好食。
雲既部分係綿花糖，店員會問你: 你想綠化地球定係破壞地球？
我地揀左破壞地球，店員就比左一支啡色既糖漿我噴落舊雲度，再等佢溶落地球度。
地球既部分，最入面地核既部分有血橙汁，酸酸地；中層係茉莉花茶mousse，個mousse幾好味，有淡淡既花香；
底部有朱古力脆脆。
地球既部分都係唔係太甜，我諗係因為要夾埋朱古力脆脆同埋綿花糖一齊食。
因為點左Mount Fuiji, 會跟兩杯野飲。呢杯係bake apple earl grey with honey，味道幾甜，個茶隔好得意，係形寶珠黎。
呢杯係Peach and Passion Fruit，我叫左凍既。
張貼
