影片
更多
2019-08-17
339 瀏覽
早幾日和朋友去尖沙咀吃晚飯，被另一位友人發現，友人知道我愛吃小炒，推介我試下佐敦這間「正品小館」。佐敦屬油尖旺區，是九龍區的核心地段，交通方便，所以筆者間中也會過嚟這邊覓食，不過一直沒留意這裡有間中菜館。原來聽朋友講，餐廳今年 5 月才開業，由於口碑不俗，加上價錢經濟抵食，所以有唔少回頭客返來幫襯。餐廳位於庇利金街 42 號金陵大廈地下，踏進店，舖面裝潢只是一派街坊格局，不過望落去唔算擠逼，而且椅桌擺放得十分整齊企理，具小館子風味。入座後先拿起餐牌細閱，食物以飯類、粉麵、小食、香港仔風情菜式及飲品為主，另外牆身上嘅大黑板亦有不少特價海鮮、小炒及每日飯餐等供客人選擇。先每人點一盅湯，選了杏汁花膠湯 ($48) 同杏汁白肺湯 ($38)，杏汁湯以大白瓷盅上桌，杏汁濃稠，絕非一般水汪汪之作，色澤雪白如奶，入口杏味非常濃郁。燉湯用料十足，花膠軟腍得來又具咬口；而白肺亦處理得宜，絲毫不帶羶味，軟腴可口。接著是每人一隻鹽燒鮑魚 ($38/隻)，鮑魚燒到啱啱好，肉質彈牙，唔會過火變韌，食落有鮮味，而且香脆可口，係本人嘅必食推介。睇過食評，見好多人推介這道豉椒炒蜆 ($58)，所以又即管點嚟試下。此碟
早幾日和朋友去尖沙咀吃晚飯，被另一位友人發現，友人知道我愛吃小炒，推介我試下佐敦這間「正品小館」。佐敦屬油尖旺區，是九龍區的核心地段，交通方便，所以筆者間中也會過嚟這邊覓食，不過一直沒留意這裡有間中菜館。
原來聽朋友講，餐廳今年 5 月才開業，由於口碑不俗，加上價錢經濟抵食，所以有唔少回頭客返來幫襯。餐廳位於庇利金街 42 號金陵大廈地下，踏進店，舖面裝潢只是一派街坊格局，不過望落去唔算擠逼，而且椅桌擺放得十分整齊企理，具小館子風味。
入座後先拿起餐牌細閱，食物以飯類、粉麵、小食、香港仔風情菜式及飲品為主，另外牆身上嘅大黑板亦有不少特價海鮮、小炒及每日飯餐等供客人選擇。
先每人點一盅湯，選了杏汁花膠湯 ($48) 同杏汁白肺湯 ($38)，杏汁湯以大白瓷盅上桌，杏汁濃稠，絕非一般水汪汪之作，色澤雪白如奶，入口杏味非常濃郁。燉湯用料十足，花膠軟腍得來又具咬口；而白肺亦處理得宜，絲毫不帶羶味，軟腴可口。
接著是每人一隻鹽燒鮑魚 ($38/隻)，鮑魚燒到啱啱好，肉質彈牙，唔會過火變韌，食落有鮮味，而且香脆可口，係本人嘅必食推介。
睇過食評，見好多人推介這道豉椒炒蜆 ($58)，所以又即管點嚟試下。此碟炒蜆，除了用上豉汁之外，也用了很多紫洋蔥和青紅椒來同炒 ，蜆肉大粒厚身，入口無沙，而豉椒亦無搶去蜆嘅鮮味，加上鑊氣十足，充滿大排檔風味。
接著是一客椒鹽豆腐 ($28)，豆腐做得很脆口，外層灑了適量椒鹽粉，配酸辣汁吃，惹味非常。
本來想點店裡的嘅另一招牌作海南雞飯試下，不過見餐牌上有魚茸粥 ($68)，所以即時轉軚。沒想到原來碗粥份量不少，粥底稀稠度適中，而且用料亦絕不欺場，魚茸下得慷慨，加上無落過味精，入口綿滑香甜。
壓尾的菜蔬點了黃金四季豆 ($38) 同菜心炒牛肉。四季豆炒得色澤均勻，而且食落仲保持一定嘅爽脆度，唯一就是稍嫌鹹蛋黃味唔算突出，反而菜遠牛肉就炒得非常出色，菜心翠綠爽甜、鮮嫩多汁；而牛肉亦肉嫩夠滑口。這晚所點嘅幾道小炒，整體水準都唔錯，鑊氣十足，睇得出廚師嘅功架。
張貼
