富田和食亭 (油麗商場)

營業中

休息中

雖然油塘真係冇野好食，但因為唔想搭車出去，所以都係係返油塘附近食。好耐都冇食過富田，咁就去試下啦~因為大約6點就去食晚飯，餐廳唔係好多人，而環境都幾舒服。三文魚刺身 -成日話唔好食生的三文魚，不過都係食埋今餐再算，雖然唔算好新鮮，但都可以收貨既。火炙芝麻鰻魚卷 - 分量都唔少，只係味道一般，飯的質感偏硬。石鍋神戶牛柳鍋旦飯 - 其實D個飯最初上檯個時係冇左隻蛋，後來先補返，但個鍋已經唔夠熱，結果撈完隻蛋之後個飯幾濕下，而且係冇飯焦的，但牛柳都幾多下，味道都算過得去的。整體而言，D間港式日本餐廳價格合理，款式都唔少，環境都可以，只係唔好期待食物會係高品質。