影片
更多
2006-06-07
4 瀏覽
無端端心血來潮想試新o野, 就o黎次次過門都無入o既"鍾菜"試試. 雖係稻香集團旗下餐廳, 卻並不走平價路線. 打開餐牌睇睇, 隨o左四季豆賣$90外,個個"小"菜都起碼百幾二百...手震o添...平時見佢都其門如市, 唔通好得?左睇右睇, 都唔知點樣點菜好, 見佢有個一人套餐, 原價$396, 星期一至五就只收半價, 只係$198, 已包茶芥加一, 咁咪試o下o羅. 個餐好富貴, 各款菜式有:菜膽翅- 叫做有翅, 湯水尚可, 雞肉則好鞋, 整體只屬普普通通;花膠扣鮑魚- 鮑魚好細隻但味道都得, 花膠略嫌薄身亦唔夠味;丁方叉燒拼腩仔- 嘩, 菜名就長o羅, 實情只有叉燒同燒肉"丁"各兩件, 如果係大食Jack, 分分鐘唔夠揳牙罅;食完以上各款, 竟係中場休息, 唔知乜原因, 要等幾個字, 最後要催先再有o野食.花彫蛋白蒸元貝(本來應係蝦, 無貨改成元貝) - 蛋都嫩滑, 元貝一大隻亦鮮味, 算係唔錯(最重要原因可能係食得少少就等o左好耐, 已經腹如雷鳴...)跟住又要等幾個字, 先再有o野食:肉碎浸莧菜- 全晚最大碟o既就係菜, 都好, 健康嘛, 不個食完之後腹部仍然像是空空如也!最後
左睇右睇, 都唔知點樣點菜好, 見佢有個一人套餐, 原價$396, 星期一至五就只收半價, 只係$198, 已包茶芥加一, 咁咪試o下o羅. 個餐好富貴, 各款菜式有:
菜膽翅- 叫做有翅, 湯水尚可, 雞肉則好鞋, 整體只屬普普通通;
花膠扣鮑魚- 鮑魚好細隻但味道都得, 花膠略嫌薄身亦唔夠味;
丁方叉燒拼腩仔- 嘩, 菜名就長o羅, 實情只有叉燒同燒肉"丁"各兩件, 如果係大食Jack, 分分鐘唔夠揳牙罅;
食完以上各款, 竟係中場休息, 唔知乜原因, 要等幾個字, 最後要催先再有o野食.
花彫蛋白蒸元貝(本來應係蝦, 無貨改成元貝) - 蛋都嫩滑, 元貝一大隻亦鮮味, 算係唔錯(最重要原因可能係食得少少就等o左好耐, 已經腹如雷鳴...)
跟住又要等幾個字, 先再有o野食:
肉碎浸莧菜- 全晚最大碟o既就係菜, 都好, 健康嘛, 不個食完之後腹部仍然像是空空如也!
最後希望- 甜品- 係朱古力慕絲, 哈, 佢怕我肥, 只俾我食細細一件, 連味道都食唔清楚呀, 陰功!!
埋單$198真係包晒茶水加一, 但我唔係好滿意食完成兩百蚊落肚仍然要盤算屋企有冇公仔麵o羅. 味道方面唔會話唔掂, 但亦無驚喜. 人手就似乎唔夠, 招呼要改善. 裝修環境都算ok, 但D梳化唔係好好坐. 我諗我唔會有衝動要再次幫襯喇.
張貼
