影片
更多
2012-05-20
556 瀏覽
3月4日, 今日呀菲同呀比懶孝順咁同媽媽飲茶, 媽媽提議到北角國都呢間彩福~ 我倆為表孝心亦先行去位, 行到過嚟差唔多下午茶時間, 門口都聚集咗唔少等位茶客… 完籌之後就等嗌飛~::: 叉燒腸粉 :: 腸粉睇樣都已經覺得係麻麻地. 粉皮略厚, 米香一般, 不過好在都唔會淋到變咗一patpat~ 內裡叉燒餡分佈零碎, 一啖有一啖無咁, 而且一係就好瘦, 一係就肥豬肉… 所以味道同賣相一樣都係麻麻地~::: 帶子燒賣 ::: 名副其實, 就係帶子加燒賣. 不過咁蒸法真係浪費咗d帶子… 完全無晒鮮味, 又縮晒水… 唔加好過. 燒賣ok啦, 肥肉多咗d, 但除此之外味道都ok~ 不過個籠底好多倒汗水搞到好濕, 燒賣擺多陣個皮開始有d糊糊地…::: 潮州粉果 ::: 媽媽鐘意食潮州粉果, 所以都特別叫一籠試下. 餡就夠多, 但係冇乜潮州風格, 馬蹄, 韮菜, 花生等等都有齊, 但係味道唔豐富, 個皮都厚得滯.::: 珍珠雞 ::: 珍珠雞雖然d糯米好軟好黏, 但都算幾好味~ 料多味道足, 又吸受咗唔少荷葉香, 最鐘意佢有鹹蛋黃! 同埋細細隻一件食完都唔會好膩~::: 帶子餃 ::: 蝦餃升級
::: 叉燒腸粉 ::
腸粉睇樣都已經覺得係麻麻地. 粉皮略厚, 米香一般, 不過好在都唔會淋到變咗一patpat~ 內裡叉燒餡分佈零碎, 一啖有一啖無咁, 而且一係就好瘦, 一係就肥豬肉… 所以味道同賣相一樣都係麻麻地~
::: 帶子燒賣 ::: 名副其實, 就係帶子加燒賣. 不過咁蒸法真係浪費咗d帶子… 完全無晒鮮味, 又縮晒水… 唔加好過. 燒賣ok啦, 肥肉多咗d, 但除此之外味道都ok~ 不過個籠底好多倒汗水搞到好濕, 燒賣擺多陣個皮開始有d糊糊地…
::: 潮州粉果 ::: 媽媽鐘意食潮州粉果, 所以都特別叫一籠試下. 餡就夠多, 但係冇乜潮州風格, 馬蹄, 韮菜, 花生等等都有齊, 但係味道唔豐富, 個皮都厚得滯.
::: 珍珠雞 ::: 珍珠雞雖然d糯米好軟好黏, 但都算幾好味~ 料多味道足, 又吸受咗唔少荷葉香, 最鐘意佢有鹹蛋黃! 同埋細細隻一件食完都唔會好膩~
::: 帶子餃 ::: 蝦餃升級變奏版, 賣相精緻咗, 餡料除咗蝦之外再加入咗帶子同菜. 呢個粉皮係ok的~ 餡料清新鮮味, 蝦都有少許彈牙~ 算唔錯~
::: 香煎牛肉餅 ::: 期間限定嘅香煎牛肉餅, 免治牛肉加入咗d馬蹄粒同芫茜蔥等, 質地鬆軟又爽口, 其實即係山竹牛肉, 只係蒸變成啪扁咗去煎… 味道其實唔錯~ 不過就好油!
其實而家呢d彩福彩晶乜宴物宴咁嘅酒樓基本上通通都係開嚟比人搞婚宴咁滯, 所以環境絕對裝修富麗堂皇, 座位亦坐得比較舒適~ 不過食物方面就尚有頗大嘅改善空間! 而且我地上次五個人去稻香飲下午茶同今日三個人飲下午茶埋單竟然都係差唔多, 貴但食物一般環境幾靚都無用吧?張貼
