影片
更多
2019-12-08
3047 瀏覽
天氣凍冰冰，最好就係食雞煲😍見呢間評價唔錯又有得食雞煲加火鍋，岩晒我哋😍建議要預先訂位，我哋已經9點左右先食，都好多人，好在呢日係閒日，我哋等左20分鐘左右就入得。一黎就上咗雞煲先，店員都好仔細介紹我哋食果個餐有咩食，之後又教我地幾耐炒下個雞煲。醬料方面，都幾多選擇。飲品都幾多選擇，有3個雪櫃，主要飲開嘅都有。炒左三次就食得了。雖然我哋炒到有少少焦🤦🏾♀️😝但隻雞都仲好滑，個油炸鬼亦好香口！雞煲個汁好惹味，我哋點左少辣，微微辣味加特別既醬汁，唔會蓋過雞肉味，可能雞都好新鮮，所有野好夾。雖然佢可以無限添雞，但半隻雞兩人食個份量都好夠了。之後就食火鍋了。先黎海鮮拼盤，有龍躉、脆肉鯇、帶子、海蝦、鮑魚、生蠔、貴妃蚌等等。龍躉幾新鮮，食落口感好滑；脆肉鯇好爽口；鮑魚同貴妃蚌真係新鮮，食落好彈牙又唔un。湯底揀咗蟹窩花甲湯底，食到少少蟹味，果然落足料🥰另外有一份本地手切牛頸脊，呢碟牛頸脊牛味真心十足，除咗呢個部位本身已經係公認肉質嫩口外，佢新鮮程度亦好高！誠意推介🤩值得一提係佢個蔬菜部。雖然係自助形式，但佢用個膠布去保持衛生同新鮮，菜既款式亦唔算少，食落又幾爽口，食得岀幾新鮮👍🏾✨以呢個價錢食到
建議要預先訂位，我哋已經9點左右先食，
都好多人，好在呢日係閒日，我哋等左20分鐘左右就入得。一黎就上咗雞煲先，店員都好仔細介紹我哋食果個餐有咩食，之後又教我地幾耐炒下個雞煲。醬料方面，都幾多選擇。
飲品都幾多選擇，有3個雪櫃，主要飲開嘅都有。炒左三次就食得了。雖然我哋炒到有少少焦🤦🏾♀️😝
但隻雞都仲好滑，個油炸鬼亦好香口！雞煲個汁好惹味，我哋點左少辣，微微辣味加特別既醬汁，唔會蓋過雞肉味，可能雞都好新鮮，所有野好夾。
雖然佢可以無限添雞，但半隻雞兩人食個份量都好夠了。之後就食火鍋了。
先黎海鮮拼盤，有龍躉、脆肉鯇、帶子、海蝦、鮑魚、生蠔、貴妃蚌等等。龍躉幾新鮮，食落口感好滑；脆肉鯇好爽口；鮑魚同貴妃蚌真係新鮮，食落好彈牙又唔un。湯底揀咗蟹窩花甲湯底，
食到少少蟹味，果然落足料🥰另外有一份本地手切牛頸脊，
呢碟牛頸脊牛味真心十足，除咗呢個部位本身已經係公認肉質嫩口外，佢新鮮程度亦好高！誠意推介🤩值得一提係佢個蔬菜部。
雖然係自助形式，但佢用個膠布去保持衛生同新鮮，菜既款式亦唔算少，食落又幾爽口，食得岀幾新鮮👍🏾✨以呢個價錢食到呢d高質材料真心抵，選擇又多，開放時間又長，幾岩一班朋友黎聚下。下次都會再黎！
張貼
