蛇王協

營業中

休息中

近日氣溫急降，週日經過即刻去食返碗蛇羹暖暖身😋，排隊大約15分鐘左右入座，食飽走嗰陣見到條隊排到去格幾個舖位。蛇羹(細碗，$50)，足料蛇肉大大舊，味道好合宜，食咗半碗個身已經暖笠笠，必食之選；糯米飯($20)，落單後咁啱賣哂，要即炒所以等得耐咗啲啲，有少少濕，味道正常，值得一試；等緊糯米飯嗰陣叫咗碗蛇龜湯(大碗，$30)，一飲就知有料到，味道香濃，回味無窮。<另有蛇宴提供，每席$4,080(十二位用)>因為堂食坐位不多，假日去食的時候，留意排隊時間會比較耐，建議可以外賣回家慢慢品嘗。