太平洋咖啡 (已結業)

今日氣溫得7度，真係凍，心想飲杯熱飲增加熱能。行過太平洋咖啡廳，見到有個大招牌宣傳兩款新春叫柑牛的特色咖啡，拿拿聲買左杯柑牛朱古力咖啡回家飲。因為沒有加鮮忌廉，所以單純細味朱古力的濃厚味道，口感滑，甜度適中，飲飲下又食到絲絲柑肉，以為加左生果味道會怪怪地，飲落又幾得意，始終係咖啡的濃香蓋過左D柑香。飲左一杯即時感覺溫暖。平時飲開朱古力咖啡的我就覺得有冇柑都差唔多，不過因為要用金字的諧音，所以加柑肉，創造有點新意思也是好事。