Isaac Toast (新城市廣場三期) (已結業)

近排天氣寒冷，不時想起喺韓國住個暖笠笠三文治邊行街邊食。近日係網上知道呢間韓國人氣店進駐咗新城市，即刻黎朝聖一番。幸運地較早黎到，唔使排咁耐，即時柯打返兩件先。因為係即點即整關係，所以都要再等10~15分鐘，但附近好多新鋪開業，時間話咁快就。熱溶芝士超級吐司。入面有素肉／牛油果／煙肉／酸蘿蔔/煎蛋，同埋厚厚嘅車打芝士&忌廉芝士。因為吐司經過烘烤，所以入口先香脆後鬆軟，味道酸甜夾雜，再加上煙肉嘅咸脆及幾可亂真嘅素漢堡肉，真係十分滋味。而且份量又豐富，不愧係國民早餐。煙肉薯餅超級吐司。因為天氣凍闗係，始終有啲高澱粉質同熱量嘅食物先覺得安心。入有大大個薯餅／煙肉／雙重芝士／酸蘿蔔／粟米／牛油果及煎蛋。拎上手重量十足。滋味程度同熱溶芝士不相伯仲，但中間嘅炸薯香味，喺寒冷環境更覺突出。真係無得彈。有餚當然要配飲品，愛文芒果汁／雲呢嗱奶昔。芒果汁香甜順口，打得夠幼滑所以飲落芒果香味更出。中間仲有啲芒果纖維，證明真材實料。雲呢嗱奶昔比想像中甜，但打得同樣幼滑，配上煙肉薯餅超級吐司真係最佳拍檔。可以清咗多餘嘅肥膩感。雖然定價有啲貴，但吐司質素有返咁上下，間中食一食都係唔錯選擇。