茶理史 (已結業)

前幾日睇咗段街訪，問到啲後生一輩而家興咩，有啲話係K-pop，有啲話係潮語，有人話係珍珠奶茶。呵～乜珍珠奶茶係年輕人嘅時尚嘢咩？咁睇來，我都應該離時尚不遠了，差啲啲嘅係，我唔太喜歡珍珠，更鍾意芋圓仙草和水果。查理史喺公司附近都開咗段時間，未至於每個禮拜都會飲，但都有啲心水可以同你分享一下。雖然好細間，但細節嘢都好抵讚，可以打卡影相嘅位都多，而且貼地。我個人好鍾意水果，對於佢哋嘅水果系列都好滿意，而且水果配茶嘅系列仲有得揀用邊款茶，烏龍茶介乎於紅茶同綠茶之間，既鮮香又甘醇，綠茶就青味重啲，入口茶香比較重，可以因應個人喜好配搭㗎。不過我最喜歡嘅係佢哋嘅牛油果鮮乳小芋圓，攪拌均勻再飲用，牛油果嘅口感係油香味重，配鮮乳嚼幾顆芋圓，那種感覺真的很幸福！