大榮華圍村菜 (已結業)

係灣仔覓食，見到大榮華，趁仲未到晚飯時間，即刻走上去睇下仲有無位先。好彩，全場滿滿地座，還有位，唔使等。見到餐紙，多得眼花撩亂，選擇困難症發作😛呢一版紙，全部$85/碟，超抵食👍🏻👍🏻呢一張係特別推介，多一味兩食，十分之咁抵👍🏻👍🏻👍🏻人少少，叫咗3樣名菜：花鵰煀雞雞件好滑，秘製惹味醬汁，加上入哂味嘅葱，好好味。釀鯪魚呢個釀鯪魚實在太棒👏🏻👏🏻👏🏻外型吸收，原條鯪魚上碟，炸完都有番個型，勁！入面嘅鯪魚肉仲正，足料好彈牙，唔腥，而且落重手，鯪魚肉餡填滿哂成條魚皮，真的手工菜，真的堅好味！古法馬拉糕去大榮華，無論早茶、午餐定晚市，都必食一底馬拉糕，實在太美味！它軟綿綿、又鬆軟，唔甜，一件接一件食，好開心😛