天魔 (已結業)

位於屯門中心大商場嘅Vcity 入面咁好食嘅餐廳晚市竟然一個人都無？😵呢間天魔係Vcity 地下一田裡面（天仁茗茶旁邊），坐位唔多大約廿個左右。我地企係到睇緊餐牌個落單姐姐已經好熱情咁招呼我地，介紹有咩好食有咩新出推介。😊最後我地坐咗係收銀旁邊個位，姐姐出餐就係入面第出嚟，好有食居酒屋/omakase 嘅感覺🤣首先嚟嘅係野飲，姐姐介紹我地連餐牌都未有嘅手作雛菊蜜&好特別嘅奶茶雛菊蜜好清香，蜜糖份量啱啱好，唔會太甜👍🏻👍🏻👍🏻奶茶好待別，椰奶味好香（好似係），偏甜，女仔一定中意👍🏻👍🏻跟住小食叫咗個雞翼，呢個真係必食！！好誇張，拳頭咁大都係$18三隻！炸皮外面個汁好好味😋，就算甩咗淨係入面舊雞都有味，唔會好似白水煮雞翼（我最驚😖）因為隻雞翼本身已經好巨型，入面係啱啱好熟，仲好滑。細食少少🤏🏻或者下午茶真係叫個雞翼都夠，又抵食又好食👍🏻👍🏻👍🏻👍🏻主菜叫咗個豬肋骨，又係無得彈！外面惹味脆口，入面嫩滑好味。可能因為佢係24小時低溫慢煮，因為係好淋，無牙都食到咁濟🤣外面啲餐廳要咁嘅質素起碼都要$200蚊。呢到雖然係紙兜上但只係$78，一切落去已經知道無得輸。👍🏻👍🏻👍🏻👍🏻👍🏻仲有叫咗個Sec