影片
更多
2018-01-21
1134 瀏覽
每次一提到食拉麵，相信大家第一時間一定會想起登龍街。不過早前從友人口中得知，天后有間取名「浜滝‧地酒」嘅居酒屋，據說店子除了主打拉麵外，還有不少港人至愛的日本地道佐酒小食，如近江牛柳串、酒煮九州蠔、沙甸釀明太子、花魚燒一夜干等，而且做法加入了不少創意，感覺吸引，所以趁周末便特意來一嘗。拉麵吧位於天后電氣道 23 號地下，踏進店，地方雖然不大，但環境不俗，裝潢比同區和食餐廳更富日本風情。牆身髹了一大幅以漁民出海為主題的手繪壁畫，搶眼奪目，非常吸睛，襯托著用餐區放上的高身圓桌，氣氛輕鬆隨意，甚具風味。拿起店員送上的餐牌，食物選項甚多，除了有主打的拉麵，另外亦有刺身、一系到佐酒小吃、串燒、石鍋飯、十勝豆乳鍋、關西牡蠣鍋、時令真鱈白子、鮟鱇魚肝等，唔少得嘅，當然還有不少日本地道名酒。先揀幾款串燒過下口癮，記得友人曾推介過店裡的日本直送近江牛柳串 ($68) 同鵪鶉蛋串 ($22)，就一於各點一客試試。近江牛屬三大和牛之一，廚師非常之有心思，將牛柳切成一口大小，並且以竹籤串連。牛柳入口肉味柔和，而且肉嫩多汁，味道夠曬香甜，十分美味。鵪鶉蛋非常香滑，面頭嘅燒汁味道甜甜地，食落帶濃郁蛋香。意猶未盡
每次一提到食拉麵，相信大家第一時間一定會想起登龍街。不過早前從友人口中得知，天后有間取名「浜滝‧地酒」嘅居酒屋，據說店子除了主打拉麵外，還有不少港人至愛的日本地道佐酒小食，如近江牛柳串、酒煮九州蠔、沙甸釀明太子、花魚燒一夜干等，而且做法加入了不少創意，感覺吸引，所以趁周末便特意來一嘗。
拉麵吧位於天后電氣道 23 號地下，踏進店，地方雖然不大，但環境不俗，裝潢比同區和食餐廳更富日本風情。牆身髹了一大幅以漁民出海為主題的手繪壁畫，搶眼奪目，非常吸睛，襯托著用餐區放上的高身圓桌，氣氛輕鬆隨意，甚具風味。
拿起店員送上的餐牌，食物選項甚多，除了有主打的拉麵，另外亦有刺身、一系到佐酒小吃、串燒、石鍋飯、十勝豆乳鍋、關西牡蠣鍋、時令真鱈白子、鮟鱇魚肝等，唔少得嘅，當然還有不少日本地道名酒。
先揀幾款串燒過下口癮，記得友人曾推介過店裡的日本直送近江牛柳串 ($68) 同鵪鶉蛋串 ($22)，就一於各點一客試試。近江牛屬三大和牛之一，廚師非常之有心思，將牛柳切成一口大小，並且以竹籤串連。牛柳入口肉味柔和，而且肉嫩多汁，味道夠曬香甜，十分美味。鵪鶉蛋非常香滑，面頭嘅燒汁味道甜甜地，食落帶濃郁蛋香。
意猶未盡，決定再加碼，點了燒日本芝士年糕 ($28) 同大阪燒餅 ($88)。芝士年糕入口軟滑煙韌，內層是香味濃郁嘅芝士，口感外脆內軟，滋味無法抗拒，令人很想 encore！燒餅即叫即炒，入口熱騰騰，鑊氣十足。撥開頂頭嘅木魚絲，原來下層鋪滿燒汁同香口嘅櫻花蝦，醬汁酸甜微鹹，非常惹味，加上入面嘅椰菜絲，清爽不膩，就算個人獨吞一整件都不覺膩滯。
一場嚟到，當然要揀番款拉麵試下。選了這客自家製黑蒜拉麵 ($88)，拉麵以熬了七小時的豚骨魚介為基調，醬油加左昆布煮成，黑蒜自家烘香並提煉蒜油。先嘗一口湯底，嘩，非常熱辣，而且散發著濃郁嘅黑蒜幽香。
原來碗內放了一塊燒至 300°C 高溫的阿蘇火山石，難怪拉麵食到尾仍熱燙冒煙。麵條淥至軟硬適中，掛湯力十足，日本脢肉叉燒薄嫩味濃，配埋蛋黃盪漾嘅溏心蛋，滋味好吃。
見這晚天氣有點凍，單尾就決定來多客關西鮮蠔鍋 ($108) 暖暖胃。蠔鍋分量不大，不過兩個人食就啱啱好。店家非常慷慨，這個蠔鍋用料十足，除了有三隻超肥美、外形脹卜卜嘅廣島蠔外，鍋內還配有皇帝菜、冬菇、豆腐同蘿蔔等。魚湯由於吸收了廣島蠔嘅精華，所以味道非常鮮甜。廣島蠔絕對令人驚喜，不但肥美飽滿，肉質細緻滑溜，而且隻隻都大大粒，鮮甜無比。謝謝友人的推介，食物相當唔錯，非常之有水準，店員殷勤有禮，絕對值得再訪。
張貼
