有得餃 (已搬遷) 新店位置

晚上，同男友經過“有得餃”，見店鋪人流不絕，以人手新鮮包餃作賣點，牆上又貼上"金剛小儀"推介既報導，種種現象都令我對此街坊小店產生好感，既然係實力之店，當然要試下佢真功夫啦！兩人晚餐，點左：１）酒浸德國豬手+秘製辣汁：其實本身對佢興趣不大，但眼望四周，每枱客都食緊個豬手，心血來潮又想試下～ 等左一陣，店員拎住一大碟豬手送到面前，充滿酒香，食落爽口又入味！唔覺唔覺，一件又一件咁放入口～呢個小食超正！ ２）野生冬菇有機白菜豬肉餃+自製餃子汁：略嫌餃皮有點厚，雖然配上特製餃子汁，但無湯又乾爭爭咁食，始終覺得爭緊D～３）粟米豬肉餃(4隻)配秘制醬汁撈麵：普普通通既粟米豬肉餃，不過個麵都幾彈牙，配埋個秘制醬汁作撈麵都幾好食～ 如果下次有機會，都想試下呢個特色既芝士比薩炸餃，絕對支持有實力既小店既特別之作！