影片
更多
2017-02-20
959 瀏覽
火鍋不嬲係豬小姐嘅最愛 但雞煲就認真少食了！事關成日覺得食完之後 成身都充滿住雞煲味今晚破左例 一大班人去「食力」食雞煲收費為$178加一 我地選擇左椰子雞煲套餐有點心拼盤 火鍋雜錦拼盤 蔬菜拼盤 任點火鍋配料及飲品任飲坐低無耐就送上點心拼盤！點心兩大籠 即叫即蒸熱辣辣 有好幾款 有蝦餃 燒賣 潮州粉果及菜苗餃！點心皮薄餡靚 餡料亦不吝嗇 點心粒粒飽滿 頗有水準！食完點心後送上椰子雞煲店員姐姐貼心提示我地首先要用大火滾起湯底 再轉細火焗十分鐘 咁樣啲雞先會做到滑而不韌嘅效果椰子湯底表面的雞油都幾多 有點不安店員姐姐話可以就咁飲用 一嚐後發現湯底幾清甜 湯底入面有雞 椰子 粟米 蘿蔔等等椰子味淡淡滲出 帶點香甜粟米味 味道平均溫和 唔錯唔錯不過最後都係忍唔住「不」走啲雞油 等心理平衡啲哈哈雞方面的確幾嫩滑 唔會鞋口過韌 不過椰子湯未能滲入雞肉裏 唔多入味雜錦拼盤賣相相當吸引豐富 以脆肉鯇魚腩 手打蝦丸 手打墨魚丸及海蝦最為新鮮味美！脆肉鯇魚腩鮮味肉脆 手打丸類大粒有彈性 海蝦鮮甜 不過以上尼幾款全部無得追加 可惜可惜！蔬菜拼盤有金菇 冬菇 粟米 娃娃菜 菜心 全部都可以係火鍋配料紙上無限
今晚破左例 一大班人去「食力」食雞煲收費為$178加一 我地選擇左椰子雞煲
套餐有點心拼盤 火鍋雜錦拼盤 蔬菜拼盤 任點火鍋配料及飲品任飲坐低無耐就送上點心拼盤！
點心兩大籠 即叫即蒸熱辣辣 有好幾款 有蝦餃 燒賣 潮州粉果及菜苗餃！點心皮薄餡靚 餡料亦不吝嗇 點心粒粒飽滿 頗有水準！
食完點心後送上椰子雞煲店員姐姐貼心提示我地首先要用大火滾起湯底 再轉細火焗十分鐘 咁樣啲雞先會做到滑而不韌嘅效果
椰子湯底表面的雞油都幾多 有點不安店員姐姐話可以就咁飲用 一嚐後發現湯底幾清甜 湯底入面有雞 椰子 粟米 蘿蔔等等
椰子味淡淡滲出 帶點香甜粟米味 味道平均溫和 唔錯唔錯
不過最後都係忍唔住「不」走啲雞油 等心理平衡啲哈哈
雞方面的確幾嫩滑 唔會鞋口過韌 不過椰子湯未能滲入雞肉裏 唔多入味
雜錦拼盤賣相相當吸引豐富 以脆肉鯇魚腩 手打蝦丸 手打墨魚丸及海蝦最為新鮮味美！脆肉鯇魚腩鮮味肉脆 手打丸類大粒有彈性 海蝦鮮甜 不過以上尼幾款全部無得追加 可惜可惜！
蔬菜拼盤有金菇 冬菇 粟米 娃娃菜 菜心 全部都可以係火鍋配料紙上無限追加
任點火煱配料選擇唔多 相比起出面火鍋店為少 不過某幾款食材水準不俗 令豬小姐同朋友們勁encore
中山脆肉鯇色澤透亮 真係好「脆」！魚肉爽口帶彈性 而且碎骨唔多 好易食 岩哂我即包菜肉餃皮較薄身滑溜 餡料比例以菜肉為多 感覺健康
黃沙靚豬潤的確係靚！豬潤一啲都唔粉而且好爽 仲帶有甜味 補血嘅靚豬潤多食無妨
飲品方面有多款汽水 如可樂 雪碧 芬達等等啤酒則有兩款 大象啤及獅威
更有自製飲品 山渣酸梅湯！甜度及酸度不太過火 但奇怪地帶點藥材味道 喜不喜歡就見人見智了
最後送上甜點 雞蛋散 尼款懷舊小食好耐無食啦 印象模糊 食後發現都幾可口喎 好似「馬仔」嘅味道以二百蚊有找嘅價錢食雞煲真係咁上下 火鍋配料如果可以再多啲就更好了！
豬小姐覺得「食力」最有實力嘅係點心 搞下點心放題 可能有得諗！
張貼
