影片
更多
2012-07-21
25 瀏覽
傍晚六點九，跟同是係上環返工嘅女友一同放工後去試這新開數天的"威仕頓餐廳"。有時候試新餐廳就好似天堂或地獄，難以預計食店質素。踏進店內，店內裝修不錯，用了圖案牆紙，配上特色燈罩，感覺有點像樓上cafe。店內侍應約三名; 跟女友站了十數秒才有staff 問幾位，並示意隨便坐。初時跟女友坐下的二人枱，並沒有任何menu，問店員攞menu 睇，結果店員只給了我倆兩個lunch set menu，無俾主menu 我地，難免叫人一頭霧水。lunch menu 內並未標明供應時間，店員解釋佢地無晚餐menu，呢個lunch menu 會繼續供應。後來見卡位有位，自行轉了位兼順手在隔離枱拿了個main menu 睇，但那menu 其實是外賣單張，打開裡頭一看，左邊係早餐，右邊則是下午茶。而背頁則有種類繁多的食品：拉麵、烏冬、薄餅、焗飯、意粉、咖喱，甚至晚巿提供鐵板餐。枱上蕂籃已預先放置餐具，提供不銹鋼的刀、叉及匙羹。沒有紙巾提供。Order:Lunch set C: 蛋黃煙肉卡邦尼炒長通粉Penne Carbonara $46蒜蓉牛油雞翼讚岐手打烏冬$42紅豆冰 +$10(散叫食品可享飲品半價)Lu
踏進店內，店內裝修不錯，用了圖案牆紙，配上特色燈罩，感覺有點像樓上cafe。店內侍應約三名; 跟女友站了十數秒才有staff 問幾位，並示意隨便坐。初時跟女友坐下的二人枱，並沒有任何menu，問店員攞menu 睇，結果店員只給了我倆兩個lunch set menu，無俾主menu 我地，難免叫人一頭霧水。lunch menu 內並未標明供應時間，店員解釋佢地無晚餐menu，呢個lunch menu 會繼續供應。
後來見卡位有位，自行轉了位兼順手在隔離枱拿了個main menu 睇，但那menu 其實是外賣單張，打開裡頭一看，左邊係早餐，右邊則是下午茶。而背頁則有種類繁多的食品：拉麵、烏冬、薄餅、焗飯、意粉、咖喱，甚至晚巿提供鐵板餐。枱上蕂籃已預先放置餐具，提供不銹鋼的刀、叉及匙羹。沒有紙巾提供。Order:
Lunch set C: 蛋黃煙肉卡邦尼炒長通粉Penne Carbonara $46
蒜蓉牛油雞翼讚岐手打烏冬$42
紅豆冰 +$10(散叫食品可享飲品半價)
Lunch set:選擇眾多，2頁紙的lunch menu，多達20款，總有一款揀得落手。menu內寫lunch set有：(1) "時"日餐湯及蒜蓉牛油厚多士 (2) 主菜 (3) 飲品
(1)是日餐湯及蒜蓉牛油厚多士
當詢問侍應是日餐湯係咩時，侍應回覆："無餐湯，只有多士。" 咁即係…要俾一樣嘅價錢但又俾少個湯我!?或許新餐廳在控制食材未能掌握，但實在有點無奈。無奈的是對餐廳處理手法，店方大可以用label遮住menu中 的"餐湯"，省卻不少侍應要解釋的時間，亦減少誤會。但用餐途中聽到部分侍應向食客表示："只有餐湯或者多士。" ，再看看點菜紙中的「餐紅湯(蒜茸油多)」，實在令人費解！
說回蒜蓉牛油厚多士，用上一整塊方包，比外間用的法式多士來得大塊，但稱不上厚多士，厚度一般，方包烘得比較燶，烘後再於面層塗上蒜蓉牛油，多士只是微暖，外層香脆而內層軟熟，而蒜蓉味香濃。
(2)主菜：蛋黃煙肉卡邦尼炒長通粉用燈籠椒煮卡邦尼還是第一次見、第一次食，從未諗過卡邦尼長通粉一入口、感覺到嘅第一個味道係~~椒味！蛋黄煙肉卡邦尼，一點也看不出、食不出有蛋黃；煙肉是有的，有約有十餘粒5mm乘4mm乘2mm 嘅粒粒煙肉；卡邦尼？！難道卡邦尼改了新煮法，就係無汁兼用燈籠椒之新煮法乎？！這道叫燈籠椒煙肉炒長通粉比較合適。長通粉還好軟硬適中，可惜吃到的就只有椒味及麵粉(長通粉)味。不算難食，但絶對不是好味！
(3) 飲品可選即磨咖啡、奶茶、蘋果汁，選了即磨咖啡，但上桌時咖啡已下奶，有點似港式茶餐廳的作風，卻浪費了餐廳供應即磨咖啡的優勢，幸好餐廳提供咖啡糖，不會再一次將咖啡糟蹋。咖啡味一般，加奶後欠了應有苦澀味，但不夠香濃。
蒜蓉牛油雞翼讚岐手打烏冬
六點九落單，等了半小時後，即係七點三才忍不了去追單; 疑似半老細半話事人嘅男子幫忙追單後，有禮地告知："等多一陣、好快有!"; 的確好快，不消兩分鐘就上枱了！雞翼同烏冬分開上，使雞翼不會被湯浸淋。
店內只供應不銹鋼餐餐具，沒有筷子提供！對於食烏冬或拉麵時是一個惡夢！不但難以夾起烏冬進食，亦因為熱湯嘅關係，令不銹鋼餐具相當燙口。女友對烏冬向來情有獨鍾，縱然沒期望會有什麼好質素烏冬，但還是會點來一試一試！但打從第一刻開始就知道是買來的現成貨。烏冬，沒期望、沒失望咁啦，係超市都買到嘅普通貨色。卻配上不論不類的湯底！！有點疑似快熟通心粉嘅味粉湯包味，但快熟個湯包絕對好味過佢！！整個湯烏冬除了最初灑在面的數條幼幼幼紫菜碎條外，便沒有其他配料了。由於烏冬不像拉麵般彎彎曲曲易於沾着紫菜碎，加上太多湯嘅關係，基本上叉上來吃的烏冬根本就沾不到紫菜來吃；最終吃掉整碗烏冬後，碎紫菜還是殘留湯內。幸好烏冬沒有煮得太淋，但配上味精湯又難以稱得上好味。
而是次湯烏冬嘅餸係：無蒜蓉無牛油之"蒜蓉牛油雞翼"！！只有普通的雞翼味，就連將塗在多士上的蒜蓉牛油搽上雞翼表面也沒有！感覺又再一次受騙，雖沒有雪藏味，但家中媽媽自理嘅煎雞翼要比它美味很多呢！
紅豆冰
紅豆冰的紅豆份量不少，紅豆亦軟腍而少量起沙，沒有像外面茶餐廳般以糖水煮過而過甜，椰汁略嫌不夠，但冰涼透心，總算為這一餐找到了一個甘泉。
值得一讚是，店內不設加一，用餐後拎單於門口收銀處結帳便可。相對於食物，飲品總算比較正常，最起碼味道不會嚴重偏離預想。但作為一間餐廳，提供的食物跟餐牌上有所偏離時，就有如中學時作文離題一樣，質素再好分數也要減半。對於新開餐廳，理應吸予鼓勵，但餐廳實在太多方面需要改善，希望喺適應期後可以睇得見餐廳的進步，再為餐廳重新評分。
張貼
