三米三 (已結業)

一星期總有一天要去灣仔處理私務，心情不好也不能倖免。一點九至搞掂，日經又收day low，要拿拿林食完飯再返工。行過這裡，見都好似幾多人客同埋食物選擇，價錢又不太貴，就姑且入來試試。我都算眉精眼企，手腳靈活，但坐下幾分鐘也完全截不停任何人拿個餐牌看看，唯有自己去拿。可見佢地絃好生意，又或是人手極緊拙。要快，就叫了個毛豆百頁雪菜擔擔麵。阿姐問：「辣唔辣？」「有咁辣得咁辣！」阿姐又問：「得『辣』同『小辣』兩種！」「……咁辣囉！」未吃辣，人已是興興地。擔擔麵好快上檯，落單後也不過三分鐘，即食麵也沒這樣快。以一個幾大的碗去盛著，湯底黃澄澄的，直覺話我知水準好極有譜。好歹也要吃，渴口湯底，溫溫吞吞的，不熱，只一點點辣，只有花生醬的味道。如果這個是辣湯底，真想試試小辣湯底是不是甜的。麵結作一團，實實的，唔怪得咁快可以整好上檯，連搵筷子撩兩下都慳番，口感亦不佳。毛豆又係實實的，雪菜沒什味道，百頁算是稍微吃得過的了。總結成碗麵，四個字~一無是處。單價30蚊，埋單35蚊，唔係貴，但以食物計，唔太得。又發原來除了3蚊加一，還有2蚊茶芥，有無搞錯？不是三幾蚊的問題，全無服務可言還要加一已算離譜，至於茶芥，我