影片
更多
2023-09-04
1827 瀏覽
食泰菜，唔一定盡在九龍城嘅，今次就喺尖沙咀搵食，介紹一間抵食又好食嘅泰菜！🥰如果週末過嚟，好大機會大排長龍，所以小妹特登避開人群，搵個平日夜晚來，果然即到即入🤭店面為大排檔裝修，鐵皮加五顏六色poster 牆身，紅藍綠櫈都好有大排檔vibe。泰菜本來就以「五味雜陳」見稱，而我覺得呢間餐廳表現有驚喜👍🏼保留到泰菜精髓，價錢亦十分親民！1️⃣ 燒牛肉 $138必點之一✨✨牛肉切片，燒到五成熟，中間呈粉嫩嘅紅色，咬落去即刻有種幸福嘅感覺🤌🏼 因為個牛除咗保持到肉質嫩度夠juicy，味道仲非常濃郁，炭香味一流，調味亦剛剛好！配上泰式酸辣汁，辣度唔惹少，啱哂好辣之人🥵；就算耐辣能力弱少少，但食到開始有膩感，不妨蘸少少汁，事關佢夠哂開胃同解膩！2️⃣ 醉貓炒河 $88醉貓炒河係比泰式炒河Pad See Ew （See Ew 即豉油嘅泰文譯音）更重口味，加入多種🌶️🌶️辛辣香料，例如九層塔、辣椒辣醬、胡椒（通常會連胡椒梗一齊放入去炒），味道更強。呢間嘅醉貓炒河冇得自行加配肉類或蝦，主要落咗豬肉碎、洋蔥、豆角、車厘茄、九層塔一齊炒，味道合格，略嫌唔夠重香料同胡椒味。溫提：少辣仍算偏辣，可自行加糖平衡，如想試到原始
1️⃣ 燒牛肉 $138
必點之一✨✨牛肉切片，燒到五成熟，中間呈粉嫩嘅紅色，咬落去即刻有種幸福嘅感覺🤌🏼 因為個牛除咗保持到肉質嫩度夠juicy，味道仲非常濃郁，炭香味一流，調味亦剛剛好！配上泰式酸辣汁，辣度唔惹少，啱哂好辣之人🥵；就算耐辣能力弱少少，但食到開始有膩感，不妨蘸少少汁，事關佢夠哂開胃同解膩！
燒牛肉
$138
63 瀏覽
0 讚好
0 留言
燒牛肉
$138
33 瀏覽
0 讚好
0 留言
2️⃣ 醉貓炒河 $88
醉貓炒河係比泰式炒河Pad See Ew （See Ew 即豉油嘅泰文譯音）更重口味，加入多種🌶️🌶️辛辣香料，例如九層塔、辣椒辣醬、胡椒（通常會連胡椒梗一齊放入去炒），味道更強。呢間嘅醉貓炒河冇得自行加配肉類或蝦，主要落咗豬肉碎、洋蔥、豆角、車厘茄、九層塔一齊炒，味道合格，略嫌唔夠重香料同胡椒味。溫提：少辣仍算偏辣，可自行加糖平衡，如想試到原始風味，就挑戰原本辣度啦！畢竟醉貓炒河係sell辣，有傳佢個名就係因為好辣可以消宿醉，叫醒隻醉貓，由此命名。
（🇹🇭泰國炒河仲有好多種，之後有機會逐一介紹！🌞）
醉貓炒河
$88
62 瀏覽
0 讚好
0 留言
3️⃣酸辣鳳爪沙律 $78
鳳爪大隻厚肉而爽口，配料如蕃茄、洋葱、青瓜、唐芹都幾fresh。不過，雖然我叫咗少辣啫，但結果唔單止一啲都唔辣，亦都唔夠酸、唔入味，偏甜，味道較失色，少少失望。🙈
酸辣鳳爪沙律
$78
40 瀏覽
0 讚好
0 留言
4️⃣酥炸皮蛋蝦餅 $78
皮蛋蝦餅上枱時仲熱辣辣，夠香脆，蝦餅彈牙唔厚粉，所以唔覺油膩。皮蛋有流心效果，夾埋一齊食好match😋
酥炸皮蛋蝦餅
$78
45 瀏覽
0 讚好
0 留言
5️⃣椰青 $48
冇㗎~食泰菜嘛，就算知道喺超市買椰青🥥平一半有多，你都係會嗌㗎嘛！好在椰青十分多水，飲落鮮甜，大熱天時食香辣濃泰菜夠哂爽。飲完椰青水，記得刮埋椰青肉嚟食！
椰青
$48
56 瀏覽
0 讚好
0 留言
✍️評分
味道：9/10
環境：8/10
服務：8/10
打卡值：8/10
抵食：9.5/10
張貼
