知味屋 (已結業)

萬水千山，book咗兩個星期終於可以見真章，冇期望亦都唔會有失望，自助餐玩法一開波店員講解得十分詳盡，有各樣增值食物提供，一開始奉上田園新鮮沙律，正路；雜菜牛尾湯出奇地足料同香濃，蒜蓉飽望落幾好睇；牛扒嘅生熟程度好睇廚師嘅心情，肉質鮮嫩ok，喜歡食牛筋嘅朋友會愛上，唔好過份奄尖，薯條配菜溫度比較冰極，不斷encore，牛扒份量會隨着個人食量而減少，結帳時位位實收$98，有service而零加一服務費，已經絕對沒投訴。(ps: 有位經理全晚遇到一些食神嘅難題時都一一耐心回應和處理，待客態度十分有禮)