影片
更多
2025-01-17
152 瀏覽
今晚呢一餐真係完全豐富到講唔晒，真係只能夠話盡量講得幾多得幾多。佢哋而家做緊呢個刺身係$298 ，有皇帝貝，皇后貝同埋加拿大馬糞海膽。皇帝貝即係扇貝，一粒扇貝可以切到三片出嚟可想而知佢本身真係幾咁厚身，最重要完全係鮮甜到不得了。以皇后貝就係我哋平時食到嘅北寄貝，完全係一個成年人嘅手掌咁大隻，佢個肉質比較鮮甜爽脆，真係好好味。而最最最最最令我哋滿意嘅係佢嘅海膽，男朋友本身對海膽嘅要求好高，有少少唔好嘅味道佢都唔會食，所以好少喺香港食海膽。但係呢度佢直言話真係一啲唔好嘅味道都冇，反而仲好鮮味，讚不絕口啊。當我哋食得咁開心嘅時候職員同我哋講如果分享同埋follow佢哋嘅社交平台，餐廳仲會送多一份刺身沙律，呢份沙律都唔錯㗎，有北寄貝，大蝦，八爪魚，希靈魚子，帶子粒，絕對唔會因為係送嘅嘢而偷工減料㗎，全部都好鮮甜。另外佢哋仲有瀨尿蝦$48隻，呢個真係勁抵，唔嗌真係對唔住自己。全部都有差唔多前手臂咁大隻，剝開啖啖肉，又係新鮮嘢。🫖食完咁多生冷嘢，之後個餐入邊仲包咗個燉湯俾你暖暖胃，而佢啲壺燉湯都唔少嘢㗎斟極都仲有，好足料好甜，對於呢個味精敏感嘅人嚟講飲得出絕對冇味精添。講咁耐都以為自己去咗海鮮舖，
佢哋而家做緊呢個刺身係$298 ，有皇帝貝，皇后貝同埋加拿大馬糞海膽。皇帝貝即係扇貝，一粒扇貝可以切到三片出嚟可想而知佢本身真係幾咁厚身，最重要完全係鮮甜到不得了。
以皇后貝就係我哋平時食到嘅北寄貝，完全係一個成年人嘅手掌咁大隻，佢個肉質比較鮮甜爽脆，真係好好味。
而最最最最最令我哋滿意嘅係佢嘅海膽，男朋友本身對海膽嘅要求好高，有少少唔好嘅味道佢都唔會食，所以好少喺香港食海膽。但係呢度佢直言話真係一啲唔好嘅味道都冇，反而仲好鮮味，讚不絕口啊。
當我哋食得咁開心嘅時候職員同我哋講如果分享同埋follow佢哋嘅社交平台，餐廳仲會送多一份刺身沙律，呢份沙律都唔錯㗎，有北寄貝，大蝦，八爪魚，希靈魚子，帶子粒，絕對唔會因為係送嘅嘢而偷工減料㗎，全部都好鮮甜。
另外佢哋仲有瀨尿蝦$48隻，呢個真係勁抵，唔嗌真係對唔住自己。全部都有差唔多前手臂咁大隻，剝開啖啖肉，又係新鮮嘢。
🫖食完咁多生冷嘢，之後個餐入邊仲包咗個燉湯俾你暖暖胃，而佢啲壺燉湯都唔少嘢㗎斟極都仲有，好足料好甜，對於呢個味精敏感嘅人嚟講飲得出絕對冇味精添。
講咁耐都以為自己去咗海鮮舖，但係其實呢度係做緊火鍋鍋任食，食咗咁耐其他嘢終於入正題。首先會係一個雞煲，我幾欣賞佢呢度個雞煲醬唔會太過濃味，味道啱啱好少少辣，雞肉都做到啱啱好嘅熟度，夠晒嫩滑多汁。
而我欣賞佢唔夠濃味嘅原因係因為仲有一盤海鮮等緊我哋，呢盆海鮮都係不得了，除咗因為劏開咗嘅龍蝦同埋奄仔蟹之外，虎蝦同埋鮑魚上到嚟都係識郁㗎。當你食完雞煲之後佢就會俾你揀湯底，我哋揀咗個三色湯底就正式開始打邊爐。
而佢嗰半隻龍蝦亦都係爆曬膏，最重要係藍龍嚟架，個龍蝦嘅香味都好出，最重要係切好晒啖啖肉。
而佢隻奄仔蟹雖然個size唔係好大，但係都係爆曬膏架，而啲蟹肉都好嫩好鮮。
好啦，終於都食晒啲海鮮啦，唔好以為就咁就完啦，因為佢俾你任食嘅火鍋料入邊都仲有好多海鮮俾你揀㗎，包括頭先食到嘅鮑魚都係任食㗎。仲有好多魚類肉類菜類餃類丸類乜都有，當你由頭到尾個老細仲要驚你唔飽，你想走嘅時候仲要問你「真係飽啦」，呢一句簡單嘅關心好睇得出呢度老細真係好有心令大家食得開心。
其中佢有一樣火鍋配料都幾特別嘅就係呢個A 4豆腐紙，就咁睇個名真係唔知咩嚟，但係原來係咁嘅樣㗎，嗰個熱湯就會好似平時食豆漿面頭嗰浸衣咁樣，幾香豆味㗎。食咗咁多嘢係咪唔好以為要過千一個人，其實都只係講緊$398一位，九點後過嚟食仲有八五折添，老細真係唔怕蝕本，只怕你唔食。
張貼
