影片
更多
2022-11-01
1622 瀏覽
上網見人介紹呢間鮨店午餐omakase性價比好高，但如果想試到主理嘅Adachi san嘅手勢就要下一番苦功先book到。有日多手上佢個網睇吓，竟然比我執到雞，book到一星期後嘅兩個位！非常期待😋 午市分咗12點同1點半嘅時段，今次我哋係食1點半。當日上到去，由Adachi san喺門口親自迎賓都有啲意外。室內佈置好平實，以木色為主，冇乜裝飾，反而餐具就比較精緻。呢個餐有茶碗蒸、前菜、12件壽司、玉子燒、麵豉湯同埋甜品，盛惠680蚊。先講主角🍣壽司飯用赤醋調味，有清晰嘅酸味但一啲都唔搶，飯嘅紮實程度啱啱好，唔會散開亦唔會太硬👍🏻食嘅時候係10月頭，按出場順序：🍣深海池魚-肉感彈牙，有油香又有餘韻🍣石垣貝-師傅臨上碟前拍打一下，口感微爽，味道淡甜又有一陣好似行水族館嘅海水味🍣秋刀魚⭐️-質感非常滑溜，上面加咗少少蔥醬，又香又惹味🍣鰤魚-微酸🍣甜蝦-有成三隻咁多，口感充實，鮮味但唔算好甜🍣鯛魚-平實表現，感覺有間場作用🍣大拖羅⭐️-入口即溶，滿滿油香即時充滿整個口腔🍣赤身-淋身，酸同醬油味突出🍣小肌-口感紮實，酸，帶魚乾味🍣赤鯥⭐️-師傅輕輕燒過表面，有焦香同濃郁油香，面頭有蘿蔔蓉平衡油膩感🍣
午市分咗12點同1點半嘅時段，今次我哋係食1點半。當日上到去，由Adachi san喺門口親自迎賓都有啲意外。室內佈置好平實，以木色為主，冇乜裝飾，反而餐具就比較精緻。
呢個餐有茶碗蒸、前菜、12件壽司、玉子燒、麵豉湯同埋甜品，盛惠680蚊。先講主角🍣壽司飯用赤醋調味，有清晰嘅酸味但一啲都唔搶，飯嘅紮實程度啱啱好，唔會散開亦唔會太硬👍🏻食嘅時候係10月頭，按出場順序：
🍣深海池魚-肉感彈牙，有油香又有餘韻
🍣石垣貝-師傅臨上碟前拍打一下，口感微爽，味道淡甜又有一陣好似行水族館嘅海水味
🍣秋刀魚⭐️-質感非常滑溜，上面加咗少少蔥醬，又香又惹味
🍣鰤魚-微酸
🍣甜蝦-有成三隻咁多，口感充實，鮮味但唔算好甜
🍣鯛魚-平實表現，感覺有間場作用
🍣大拖羅⭐️-入口即溶，滿滿油香即時充滿整個口腔
🍣赤身-淋身，酸同醬油味突出
🍣小肌-口感紮實，酸，帶魚乾味
🍣赤鯥⭐️-師傅輕輕燒過表面，有焦香同濃郁油香，面頭有蘿蔔蓉平衡油膩感
🍣昆布海膽-冇平時啖啖肉嘅海膽咁濃郁，但昆布令佢加咗一陣田園風又幾特別
🍣拖羅蓉手卷⭐️-滿滿嘅拖羅蓉加埋紫蘇葉，干瓢同芝麻，所有味道好夾
以上有⭐️嘅款式係特別滿足之選😋另外分享，連伴碟嘅漬蘿蔔都好好食，帶淡淡柚子味，好清新😋
另外都簡單講下配菜
🍮茶碗蒸-鋪滿魚子，好鮮味，口感非常滑溜
🐙慢煮八爪魚-煮得夠淋但仍保持嚼勁，有柴香味
🍵麵豉湯-一般清淡口味
🥚玉子燒-似蛋糕，但唔突出
🍨甜品-可以揀奶凍、雪糕或者咖啡，今次揀黑芝麻雪糕，用最中餅夾住，非常鬆脆，但雪糕普通
食物整體表現出色，但加埋服務真係令到體驗更加昇華😍所有師傅都係日本人，但佢哋努力用廣東話介紹菜式；抹碟抹得非常頻密，大約食兩三件就抹一次；侍應會主動換手指布同熱茶；Adachi san親自迎賓送客。整體嚟講，呢度嘅lunch omakase果然性價比好高，雖然冇好悅目嘅環境擺盤之類，但舌頭感覺嘅美味同埋有溫度嘅服務先係最令人陶醉，令人暫時忘記咗身處喺繁囂鬧市🥰
張貼
