日牛涮涮鍋專門店 (已結業)

又到星期日冇工人姐姐嘅時候，落街搵嘢食，今日好想食牛肉涮涮鍋，呢間食店成日都排長龍，今睌六點未夠落到去，終於唔使排隊。一家三口可以各自揀喜歡的湯底，因為係一人一鍋，阿女揀咗番茄，老公揀左雞湯，我自己揀咗甜甜地嘅壽喜燒湯底連一隻雞蛋，牛肉是特選澳洲穀飼牛，仲可以食雞肉及豚肉。出面自選區有幾款日式丸子、芝士腸、各類蔬菜、菇類、蓮藕、薯仔、粟米仔、豆腐、烏冬等等。熱飲咖啡機及汽水都是任斟任飲。一開始侍應送上一盤豬肉雞肉及三盤牛肉，幾款肉都好新鮮。特選牛肉採用澳洲穀飼牛，脂肪分佈好平均，薄切，一放落鍋就熟，因為切得好薄，可以食多好多盤，肉質口感都不錯，入口即溶。豚肉都好香好好食呢，encore咗兩盤。每人只可以食90分鐘，最後衝線，拎咗杯乳酪加一些豆豆，可以拎住出去食。