LAB EAT Restaurant & Bar (金巴利道)

營業中

休息中

老友生日，梗係要食好啲，上網搵咗一輪，最後敲定呢一間餐廳， 希望唔好令我哋失望。未到七點，餐廳已經坐咗八成人客，好彩有訂位，如果唔係分分鐘呢餐就泡湯。坐低先叫兩杯 cocktail 慢慢歎，侍應送到嚟真係有驚喜，個樣靚到唔捨得飲。Hot Romance 用 vodka 加蔓越莓汁調製，以花型蘋果乾作裝飾，顏色和味道都冇得輸。用 gin 酒和熱情果汁調配而成，加上悉心的裝飾，非常悦目，酒味不太濃，好看又好飲。用新鮮蘑菇打碎，濃稠剛好，有很香的蘑菇味。加上黑松露和忌廉，又香又滑。多士烘得很香脆，海膽鮮甜無腥味，入口即溶，海膽在我口腔內停留的感覺真使人懷念。肉眼扒肉質嫩滑，充滿肉汁，難得的是可以燒到我要求的五成熟，無論沾海鹽或芥茉吃，都可以品嘗到牛的原味，薯條是用蕃薯做成，色澤鮮明，而且比較健康。這個甜品其實是意大利奶凍，外型設計精美，奶凍不太甜，上加什果和士多啤梨醬，杯頂放上自家焗製的曲奇和朱古力泡芙，做成帽子型 杯蓋，令這個甜品看起來像個戴帽的人偶，很可愛，真的令我捨不得吃它啊。這間餐廳標榜 "實驗美食"， 似乎真的是 ~ 想得到，做得到。