Lamma Grill (已搬遷) 新店位置

係榕樹灣行來行去，不停睇下食乜野，海鮮就唔太想食，一來覺得會好貴，本來去左BWC坐底左，但係啲野食真係唔夾我唸住味。經過一間門口都有啲暗，但望穿個鋪位可以見到有露天位係個鋪位既最盡頭，既然都無乜心水，搵個海景休息一下都好。一入到去，有個好熱情既鬼佬say Hi，跟住自己搵位，佢就攞menu跟住，環境真係唔錯，今日又有啲涼但又唔曬，正。Beef Burger 正爆，好juicy，又多唔同既伴菜，加埋有兩款醬汁，味道非常配合，一百蚊左右，絕對超值。Mixed Grill，原來個份量好大，有3條腸，兩件小牛扒同3條ribs，仲有一碗好有墨西哥風味既碎肉醬汁去配一大個basket既粗薯條。碎肉醬汁配粗薯條係非常好味，一定要試。雖然無試過pizza，不過見到隔離兩枱都有食，睇樣都好掂。