Yukkuri

營業中

休息中

一直想訂呢間咖啡室今日星期六12點趁佢開門一早過嚟睇吓有冇機會walk-in 好好彩地有位 店長好幫忙盡量安排🙏🏻店員詳細介紹左D飲品 我叫咗最出名焙茶黑芝麻飲 本身想叫佢哋少冰 唔想啲冰融左之後令到飲品越嚟越淡店員告知佢哋嘅凍焙茶係冇另外加冰嘅 正合我心意👍🏾上枱嘅時候店員叫我先試下一啖純素奶泡 入口好香濃好Rich 有一種淡淡的豆香 之後再試下個芝麻焙茶 好香濃嘅芝麻味 口感好滑 加埋個奶泡一齊飲 味道好有層次 店內嘅裝飾簡約 餐桌同埋燈都係用木製嘅 燈光暗得來好舒服 好適合同好友促膝談心 店內好寧靜大家講嘢都細細聲 背景音樂令人好放鬆