Urban Coffee Roaster (已結業)

前幾日收工之後就約左中學同學食晚飯 聽同學講銅鑼灣有間細細嘅文青咖啡店 所以就諗住去試下 一上左樓梯之後 就有種好似日本嘅樓上cafe一樣好簡潔***我地兩個人叫左個松葉蟹肉飯配炸軟殼蟹 軟殼蟹原隻上非常大隻輕輕吉破隻溫泉蛋 蛋汁就慢慢流落飯入邊 面頭仲有好多蟹籽非常推薦👍🏻另外明太子忌廉意粉配烤烏魚籽都唔錯 明太子醬汁非常濃郁 每食一啖滿口都係醬 小食炸單骨雞翼炸得非常香脆 配埋個日本芥末蛋黃醬真係正 最後仲叫左個檸檬蛋白撻 雖然我見人人都係叫法式焦糖pancake 但係呢個tart係值得一試嘅 酸甜味道balance得ok 而且餅底又酥脆 ***總括而言 雖然地方唔太大 但環境寧靜 適合兩三個知己一齊傾計