咖啡灣 (已結業)

夏威夷果汁醬燒豬肋骨用咗熱情果嘅果汁，食落酸酸甜甜，同平時嘅bbq醬好唔同，感覺特別店員主動問我哋使唔使幫手切，服務好貼心我哋切落都發現啲肉質好淋，一絲絲嘅肉顯得分明，肉質細嫩幼滑不費吹灰之力就咬開咗連住骨頭嘅豬肋骨肉燒菠蘿面頭有層厚厚嘅焦糖，食落好香甜加上有薯條同沙律，食落好fresh嚟cafe點可以唔試下佢啲小食小食拼盤有好多嘢食：雞翼，炸吊桶仔，魚手指，香芋波波同薯條......烤到好香嘅雞翼帶少許孜然粉味道，外皮夠脆，入面juicy炸吊桶嘅粉漿好薄，入面肉質彈牙魚手指外脆內軟，入面雪白嘅魚肉嫩滑得好似Sir入喉嚨仲有款黑椒醬汁雞翼，味道較濃咖哩飯擺碟精緻，北海道咖哩味道甜帶小辛，入面有煮得好淋嘅紅蘿蔔同洋蔥煎香嘅和牛漢堡扒同煙肉上面灑上少許香草簡單嘅配搭帶來忠實嘅味道而且配角咖哩冇搶到主角和牛漢堡扒嘅風頭，令漢堡扒keep到好濃嘅牛香，油脂又唔會過多呢間cafe畀人感覺舒服，而且啲嘢食質素高，係忙碌熱鬧嘅商場入面嘅一個慢活寧靜嘅海灣