秋香 (黃金海岸商場) (已結業)

放假同朋友去左黃金海岸玩，玩到攰左朋友建議去隔離黃金海岸商場晚餐，整個商場行歐陸風，有好多別具特色既餐廳。行左一圈覺得呢間「秋香」最吸引，中國風名，食日本串燒，仲有煲仔飯？咁特別既菜單，裝修又chill，試試佢先！叫左個二人餐$728，有刺身、炸物、串燒、主食一個同甜品，唔洗煩都唔錯😂🥢刺身三點盛今次有三文魚、日本帶子同牡丹蝦，每樣刺身都又鮮甜又大塊，比好多壽司店都好食，有驚喜🥢炸物唐揚雞件•廣島蠔•炸蝦炸物相當出色，外皮非常酥脆，第一次覺得唔算薄既炸衣都可以咁正！炸雞好多汁，炸蝦好彈牙，廣島蠔creamy，各有特色🥢串燒盛一共有六串，要同朋友share黎食😅肉類有和牛粒•手羽先•波板豚肉串外皮焦香肉質juicy蔬菜類有大啡菇•秋葵•菠蘿個人非常喜歡菠蘿，好似浸左糖水咁甜，又爆汁🥢鹽燒白鱔煲仔飯唯一一個需要加錢既主菜，就試下有幾把砲😛煲仔飯最重要既飯焦佢都唔少，香脆十足。白膳好彈牙新鮮，外皮又燒到脆曬先放入飯度，感受到師傅既心思