原居民 (已結業)

今日係佐敦同supplier開完會已經成兩點鐘，淰住翻公司前食d野先，行行下，發現到呢間原居民餐廳，真係比區個名吸引到。門口擺設都幾特別，有棵聖誕樹。入到餐廳，可能係因為已經過左lunch time，所以唔多人，餐廳都幾大，位置都幾寬，擺設好整齊。比人感覺好舒服同整潔。睇餐牌，選擇都幾多，揀左個d餐，羊扒七成熟噶。我最愛噶蒜蓉包，一上檯已經聞到好香噶蒜蓉味，忍唔住立刻要食啦。好脆好好味，d蒜蓉味好夠。我揀左要沙律，個份量都幾多，配醋食都唔錯，d菜好甜好新鮮，好快就比我食曬啦。證明我好餓羊扒到啦。兩件羊扒都幾厚下，雖然肉質有小小硬，不過都算唔錯。薯菜炸得幾好，好脆，同埋好夠味。餐廳提供芥末醬同薄荷醬配個羊扒。個芥末醬好重芥末，點小小已經好夠，薄荷醬好清涼，點羊扒食完全中和肉類噶油膩感。全靠呢兩個醬，我可以ko呢兩件扒。最後呢個甜品，奶茶慕斯。食一啖已經愛上左啦，好甜好有奶茶味。又夠滑。呢個甜品真係令到呢餐飯更有滿足感。