影片
更多
2022-09-24
1283 瀏覽
假日行行下又行到去灣仔，途經奇華茶室，成日經過但未幫襯過及只想起冥冥之中的取景，咁啱係下午茶時段又攰攰地，一於去坐下嘆個TEA，茶室位於一座歷史建築物內，三幢相連陽台長廊式唐樓，為三級歷史建築物，懷舊之感。茶室內堂裝潢復古，假日的下午茶時段好少人。3點3 High Tea餐牌，自選一款咸點 + 自選一款甜點 + 冷熱咖啡或茶，$88。我們3人，叫了3 Set，share食。迷你蝦喇沙，配料有一隻蝦及幾塊魚片，個粉似係炒絲來，喇沙湯底味道椰味濃少少辣味，味道普通。馬來沙嗲串，肉質有點硬。木瓜柚子雞沙律，因為係下午茶，每樣野都好迷你，沙律味道清新。玉桂蘋果撻，撻口感尚算酥脆，強烈玉桂粉味，正常水準。迷你香蕉船，純粹想懷舊叫左，但賣相比想像中有少少出入，雲呢拿雪糕味道普通，個蝴蝶酥幾好食。芒果班戟，個皮嘅色水都差點同冇乜味，芒果唔係好甜但正常。熱奶茶。熱咖啡，正常水準。下午茶食物味道普通，係食景多打下卡，因為人少之下感覺幾free嘅。有感而發:灣仔最近好多老店都結業，快樂餅店、大榮華、樂景都係做下年...，不禁覺得可惜..情懷承受不起風化。呢幾年各方面因素，令到不論環境、人和事都在變，雖然變
假日行行下又行到去灣仔，途經奇華茶室，成日經過但未幫襯過及只想起冥冥之中的取景，咁啱係下午茶時段又攰攰地，一於去坐下嘆個TEA，茶室位於一座歷史建築物內，三幢相連陽台長廊式唐樓，為三級歷史建築物，懷舊之感。
茶室內堂裝潢復古，假日的下午茶時段好少人。
3點3 High Tea餐牌，自選一款咸點 + 自選一款甜點 + 冷熱咖啡或茶，$88。我們3人，叫了3 Set，share食。
迷你蝦喇沙，配料有一隻蝦及幾塊魚片，個粉似係炒絲來，喇沙湯底味道椰味濃少少辣味，味道普通。
馬來沙嗲串，肉質有點硬。
木瓜柚子雞沙律，因為係下午茶，每樣野都好迷你，沙律味道清新。
玉桂蘋果撻，撻口感尚算酥脆，強烈玉桂粉味，正常水準。
迷你香蕉船，純粹想懷舊叫左，但賣相比想像中有少少出入，雲呢拿雪糕味道普通，個蝴蝶酥幾好食。
芒果班戟，個皮嘅色水都差點同冇乜味，芒果唔係好甜但正常。
熱奶茶。
熱咖啡，正常水準。下午茶食物味道普通，係食景多打下卡，因為人少之下感覺幾free嘅。
有感而發:灣仔最近好多老店都結業，快樂餅店、大榮華、樂景都係做下年...，不禁覺得可惜..情懷承受不起風化。
呢幾年各方面因素，令到不論環境、人和事都在變，雖然變幻原是永恆，但係都不禁慨嘆，唏噓中嘆息從前的一切....
張貼
