辦館 (KC100) (已結業)

肥C9覓食記《辦館-葵涌》肥C9岩岩個星期六聽朋友介紹，就去左葵興站附近既佛羅倫斯行下街(Window) shopping一下😆行到咁上下肥老公叫肚餓，咁岩隔離街有間好裝修精美嘅Cafe，俾人一個好舒服嘅感覺，覺得可以喺嗰度坐成個下晝🤩講返正題先，肥老公係一個食肉怪，一口氣叫咗兩碗面食。一個係豬骨濃湯叉燒烏冬，另一個係餐蛋出前一丁。肥老公一食個烏冬，就即刻大叫左出嚟，個烏冬好有童年回憶嘅味道啊，我自己本身就唔係咁鍾意食烏冬嘅，不過聽完佢咁講，即刻偷咗一啖嚟食，又真係好好味好有誠意，而且有好大碗。至於個餐蛋麵，平時出去食啲茶餐廳都係一早煎定晒，呢間辦館嘅餐蛋麵居然係即叫即煎，新鮮滾熱辣，超好味。至於C9我，本身諗住叫鹹牛肉西多士，點知賣晒，就改咗做黑松露蛋多士，好彩改咗做黑松露多士咋，啲黑松露好香好好味而啲雞蛋好多汁😋😋其實食物都係其次最緊要係飲品因為我哋行完好攰要補充一下水份☺️本身諗住求其叫杯咖啡點知一嚟到個拉花靚到不得了！我哋臨走仲叫多咗杯嘢飲外賣添！