魚鮮生刺身專門店 (已搬遷) 新店位置

將近十二點，呢度只有一兩枱日本客人，叫左魚生飯。呢度好安靜，氣氛好平和，同平時去連鎖經營嘅日本餐廳好唔同，令心覺得可以慢慢食。無趕羊嘅心情，食咩都特別好味。我叫嘅三文魚魚生飯都幾大碗，感覺好似喺一碗大飯上面鋪左至少半磅三文魚喺上面。三文魚都幾新鮮，佢嘅溫度剛剛好，唔係放題果種雪到好凍亦唔係迴轉壽司比啲燈晒到室溫的感覺。朋友叫果碗雜錦包羅萬有，味道都好好。呢個價錢食到又大碗又好味嘅魚生飯，點解仲要幫襯連鎖店？！