On The Hill Coffee Bar (寶暉大廈) (已結業)

雖然土瓜灣係舊區，但近期有唔少新餐廳進駐，呢間Cafe就位於人流較少嘅清靜地帶，可以好舒適咁享受下午茶☕️煙三文魚牛油果貝果($82)嘅賣相幾好，內餡份量十足、三文魚更加整成朵花，呢個價錢仲有份沙律、而且冇用餐時限，我覺得cp值唔錯👍🏻牛油果有均勻搽滿每個角落(有好多餐廳唔會😢)，每啖都可以食到淡淡嘅牛油果香😋不過煙三文魚就要自己拆返開嚟食，但其實店主都係想客人有得打卡又食得開心，呢part當然唔會彈😛餐廳有略加黑椒調味，選用嘅三文魚亦唔會過鹹，所以味道唔錯🤓惟一係覺得貝果可以再煙靭啲，不過香港好多都整到貼近麵包質感，可能比較適合大眾口味🤔芝士蛋糕($54)嘅賣相都係一流，有適量嘅裝飾，而且唔係普通藍莓醬，焦糖脆脆唔會太甜太硬，連埋蛋糕食都唔會覺得哽牙😋蛋糕本身好smooth，冇溶雪結冰嗰類問題，食到cream cheese嘅味道，甜度亦調較得唔錯😉最後叫咗杯Dirty($42)，咖啡底有浸特別嘅果香，飲落好順滑唔會苦澀，店主亦會好細心咁介紹店鋪用嘅咖啡豆🥰