孵化生活

營業中

休息中

今日去荔枝角做瑜珈，朋友話有間cafe唔錯帶我去試下😋星期日附近冇乜人返工，所以比較安靜。Lunch set選擇都幾多，包左沙律/餐湯+主菜+飲品。田園沙律｜沙律醬汁酸酸地好開胃，除左沙律菜仲有雜莓，係有誠意既前菜。黑松露泡沫蘑菇湯｜面層係一埋泡😂😂好得意！個湯好香黑松露味，仲有好多蘑菇碎，超足料😋慢煮西班牙伊比利豬鞍架配焦糖蘋果｜豬鞍好大塊，面層煎至微脆，肉質軟腍，帶有小小肥膏好甘香。底層既薯蓉好滑身，略嫌配菜既茄子同香菇有啲油。比目魚柳配辣椒蕃茄沙沙｜比目魚柳有兩大舊，魚肉好嫩滑而且鮮味十足😍醬汁好似忌廉汁，同蕃茄沙沙一齊食無咁膩👍🏻黑松露薯條｜薯條新鮮炸起超脆！而且用左粗薯條口感更好😍😍除左配有黑松露蛋黃醬，面層仲灑左黑松露鹽，黑松露fans唔好錯過啊😌布丁燒｜呢樣野hit左好耐但我係第一次食😂😂布丁好滑蛋味好香，焦糖味好濃郁🤤如果層蛋糕再厚小小就可以令口感更有層次喇。