James Kitchen (已結業)

聖誕時節又係朋友飯聚嘅好時間，今次仍然由識飲識食嘅朋友C訂檯。因為朋友C食過，叫廚師發板，諗都唔駛諗食咩。先黎飲住白酒食海鮮拼盤，生蠔有3款，有creamy 有海水味重嘅，仲有海膽、牡丹蝦、蟶子。海膽同牡丹蝦都好鮮甜，蟶子就普通。前菜有蟹餅、芝士菠菜酥、意式雲吞，擺盤好靚。餐湯係雜菌湯，足料濃郁。主菜有大路嘅牛柳，生熟度剛好，仲有比較少有嘅比目魚，我唔食魚皮，但朋友話重點係個魚皮。都開始飽，我地話唔要pasta。不過，女生當然唔會放棄甜品。甜品有疏乎里、心太軟、焦糖布甸，其中我最鍾意疏乎里。