影片
更多
2015-03-01
9446 瀏覽
繼下午去完荷李活道食, 行一陣又再食過! 早前上網見到有介紹呢間酒店既下午茶, 好似幾吸引, 所以又走黎試試.由於冇BOOK位, 只有walk in, 咁啱我地又早到, 所以都大膽問問職員可以入去坐住等, 職員等一會回覆可以安排我地入去坐住等, OH, 十分好!呢間酒店應該係新開, 雖然唔算好大, 但入面既格調好優雅. 令人有一種好高檔既感覺!餐廳內的環境 (唔知點解相片調轉左, 轉極都轉唔返....)其實咁樣一眼望晒, 大概只有四五張檯+BAR位黎喇黎喇! 好精緻既下午茶層架!不同層架上的食物:冇錯, 係雞蛋仔!估唔到雞蛋仔依家已變成高檔下午茶食品之一!其實食落口係有少少暖暖地, 唔算好熱即造, 大概估因為要落些糖霜, 怕溶卦....不過咬落又唔似外面街邊既好似得一陣風咁空心, 入面有軟綿綿既蛋漿變成好似海綿既質地, 會有飽肚既感覺!隔離既似合桃蛋糕唔算甜, 食落有一粒粒碎合桃, 有咬口!另一層架, 有迷你磨菇蛋撻, 好好食呀! 味道咸咸地, 又有菇味, 撻皮用上牛油製, 又有甜甜地既味道!至於紅色呢個呢, 起初食第一啖, 都估唔到係咩...再食多啖, 先發現原來係甜紅椒, 真係估佢
早前上網見到有介紹呢間酒店既下午茶, 好似幾吸引, 所以又走黎試試.
由於冇BOOK位, 只有walk in, 咁啱我地又早到, 所以都大膽問問職員可以入去坐住等, 職員等一會回覆可以安排我地入去坐住等, OH, 十分好!
呢間酒店應該係新開, 雖然唔算好大, 但入面既格調好優雅. 令人有一種好高檔既感覺!餐廳內的環境 (唔知點解相片調轉左, 轉極都轉唔返....)
其實咁樣一眼望晒, 大概只有四五張檯+BAR位
黎喇黎喇! 好精緻既下午茶層架!
不同層架上的食物:
冇錯, 係雞蛋仔!估唔到雞蛋仔依家已變成高檔下午茶食品之一!其實食落口係有少少暖暖地, 唔算好熱即造, 大概估因為要落些糖霜, 怕溶卦....不過咬落又唔似外面街邊既好似得一陣風咁空心, 入面有軟綿綿既蛋漿變成好似海綿既質地, 會有飽肚既感覺!隔離既似合桃蛋糕唔算甜, 食落有一粒粒碎合桃, 有咬口!
另一層架, 有迷你磨菇蛋撻, 好好食呀! 味道咸咸地, 又有菇味, 撻皮用上牛油製, 又有甜甜地既味道!至於紅色呢個呢, 起初食第一啖, 都估唔到係咩...再食多啖, 先發現原來係甜紅椒, 真係估佢唔到, 夾住麵包多士咁食又幾得意喎! 另一件係火腿多士~
最後食既一層, 有朱古力mousse, 有好香濃既朱古力味, 而且好滑!又有一小杯既Tiramisu, 用個小杯子裝住賣相好可愛! 不過可能我較遲食呢個甜品, 所以有少少溶溶地LU, 不過都好味道!
食鬆餅, 食鬆餅! 最鐘意就係加入果醬同忌廉食, 真係好好味呀! 一路食一路加D醬, 正! 忌廉好軟滑香甜, 果醬亦好有生果味道! 真係忍唔住要加晒佢, 可惜個鬆餅太細少了...有D唔較喉...
題外話: 臨走前去埋個洗手間, 洗手間設置二樓, 要搭lift, 入面所裝既洗手液樽同樣好靚架!!!
題外話/補充資料：
嘆緊下午茶期間, 其實都有唔少食客想入黎, 但因為好快已經FULL左, 佢地要等下一輪. 聽到有食客話專登請假黎試, 可惜失望而回. 又聽到有食客問: 又話冇得BOOK, 點解咁快FULL....無他, 因為仲有食客比你地再早到.... 所以如果真係想黎試, 我諗真係要早少少黎排隊吧...
(以上食評乃用戶個人意見 , 並不代表OpenRice之觀點。)
張貼
