C.O.W. Dining (已結業)

最近慢煮開始愈來愈HIT, 我當然要去試下啦!!!呢到既晚餐有2種: 3道菜同5道菜可供選擇!大廚先送左一道小食俾我地 – 威化餅上放了與蕃茄同青瓜混合既芝士,感覺清新,為一陣既晚餐掀起序幕。頭盤: 雜凍肉碟配慢煮蘋果及黑醋汁沙律 同 芒果蝦沙律配挪威煙三文魚及慢煮紅菜!慢煮蘋果口感仍保持蘋果爽口,質感實在在貌似雪梨,味道比平時食更加濃厚香甜。配以涷肉,減去油膩感之餘帶出肉既香味,讚!!!湯:野菌忌廉湯,每一口都有大量野菌充斥口腔中,混合忌廉令口感濃郁細滑,愛菌之人既首選!!!我特別要推介呢到既蓄茄清湯,平時既我對蓄茄湯既好感度不大。但呢到既蓄茄清湯鮮甜無比,最大既特點就係: 蓄茄湯色係好清澈卻有着好濃厚既蕃茄味道,真值得嘗試!!!Pasta: 自製牛肝菌雲吞配芝士及義式青醬忌廉汁 同 墨魚汁介子海鮮雲吞配龍蝦汁雲吞皮厚度剛剛好,配上牛肝菌同雲吞上既Ricotta Cheese,口感十分好而且所有既材料混合既味道配合得好好。而個個墨魚汁介子海鮮雲吞都唔錯,墨魚汁既雲吞配以新鮮既海鮮,鮮味十足。終於到左主菜啦,我地揀左慢煮挪威三文魚柳配粉紅胡椒白酒忌廉汁 同 慢煮美國牛肋條配法式紅酒汁。