Dabyida Restaurant and Bar (已結業)

我朋友約我係近尖東既一間西餐廳食午餐，仲話我一定鐘意。一入去就見到個大型吧抬，環境舒適，燈光十足。餐廳樓底頗高，係我鐘意既餐廳裝修。餐廳下午有一個半自助午餐，客人叫一個正菜之外，仲可以去任食自助沙律吧枱揀沙律同冷盤。自助沙律選擇非常多，有兩款cold cut，三款酥皮撻，四款沙律草。topping亦有九款在右，包括粟米，脆麵包粒，煙肉碎等等。第一去自助沙律吧枱啲酥皮撻俾人夾曬，好彩職員好快就refill翻。酥皮撻有三種味道：煙肉，煙三文魚，同蝦沙律，撻底好簿好脆，一口食得曬，過癮！餐湯係甘荀忌廉湯，較稠身，味道也合我口味。我叫左燒紐西蘭牛柳配紅酒燒汁，肉呈迷人鮮紅色，學謝霆鋒話太性感啦。肉質相當幼嫩，牛柳下方亦有適量蔬菜，中和翻牛柳既溜膩感。我朋友叫左海蝦意大利飯配香檳忌廉汁，份量適中，蝦煮得金黃，彈牙鮮甜。意大利飯煮得啱啱好，偏硬身，加上青瓜粒，口感更豐富。見佢happy hour 有優惠，下次一定再來。